JOSUÉ 11:20 - Biblia Guarani Tumpa Iñee

²⁰ echa yandeYa omotäta kuae tovaicho reta ipɨa, jovaicho pota vaerä Israel iñemuña reta re, Israel iñemuña reta opa vaerä omboai, agüɨye vaerä mboroparareko güɨnoi jese reta, yandeYa oyókuai Moisés rami.

JOSUÉ 11:20 ပူးပေါင်းရင်းမြစ်များ

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

1 REYES 12:15

Jare mburuvicha guasu mbaetɨ oyeapɨsaka opaete vae re; echa yandeYa jei jökoraita ko vae, iñee oyembopo vaerä Ahías Silo pegua rupi jei Jeroboam, Nabat taɨ pe vae.

2 CRÓNICAS 22:7

Ërei Tumpa etei oyapo jökorai omano vaerä Ocozías ojo ramboeve opou Joram pɨri. Ojo oväe rupive Joram ndive ñogüɨnoe Jehú pe, Nimsi jɨmɨmino pe. Ërei Tumpa yepe oiparavo Jehú opa vaerä omokañɨtei Acab iñemuña reta.

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

ÉXODO 10:1

YandeYa jei Moisés pe: —Ekua Faraón oïa pe; echa che amotäta ipɨa jare jembiokuai reta ipɨa, aechauka vaerä jese reta kuae mɨakañɨ ayapo vae reta,

ÉXODO 11:10

Moisés jare Aarón oyapo opaete kuae mɨakañɨ reta Faraón iɨvɨ pe; echa yandeYa omotäta Faraón ipɨa, jare mbaetɨ omaeño yogüɨraja Israel iñemuña reta ɨvɨ Egipto güi.

ÉXODO 14:17

Jare che amotätata Egiptoɨgua reta ipɨa, peraɨkuemoña vaerä; ayemboeteukata Faraón maratuta oasa vae rupi, opaete isundaro reta kavayu regua reta rupi, jare käretou reta ñeraro pegua rupi vi;

ÉXODO 14:4

Jare che amotätata Faraón ipɨa, peraɨkuemoña vaerä; jare ayemboeteukata Faraón rupi jare opaete isundaro reta rupi, jare oikuaata Egiptoɨgua reta che ko jae peYa vae.” Jare jae reta jökorai oyapo.

ÉXODO 14:8

YandeYa omotäta Faraón mburuvicha guasu Egipto pegua ipɨa, jare oaɨkuemoña Israel iñemuña reta; ërei Israel iñemuña reta mbaepuere yae ete rupi ko ñogüɨnoe yogüɨraja.

ÉXODO 4:21

Jare yandeYa jei Moisés pe: —Reo reväe Egipto pe yave, eyapo Faraón jóvai opaete mɨakañɨ reta amee reyapo vaerä vae; ërei che amotätata ipɨa agüɨye vaerä omaeño yogüɨraja Israel iñemuña reta.

ÉXODO 9:12

Ërei yandeYa omotäta Faraón ipɨa, jare mbaetɨ oendu jae reta iñee, yandeYa jei Moisés pe rami.

ÉXODO 9:16

che, añetete roñono aechauka vaerä nderé chembaepuere, oñemoërakua vaerä cheree opaete ɨvɨ rupi.

ISAÍAS 14:24

YandeYa Imbaepuere yae ete vae jei jee re aeño: “Añetete, che ayemongeta rami oyeapota; ayemongeta oyeapo vaerä vae oyembopota ko.

ISAÍAS 34:2

Echa yandeYa iyarasɨ oï opaete tëtaguasu reta kotɨ, jare opaete sundaro reta kotɨ, opata omboai, opata omee mano pe.

Romanos 9:18

Jáeramo, Tumpa oiparareko, ikɨ̈reɨ oiparareko vae. Jare ombopɨatäta, ikɨ̈reɨ ombopɨatäta vae.

DEUTERONOMIO 2:30

Ërei ngatu Sehón mburuvicha guasu Hesbón pegua mbaetɨ oipota yandemboasa iɨvɨ rupi, echa yandeYa Tumpa yepe ombopɨa täta jare jëguambae oyapo, jökorai oñono vaerä pepo pe añave regua.

DEUTERONOMIO 7:16

Ërei pemboai opaete tëta guasu reta yandeYa Tumpa omee pepo pe vae; agüɨye peɨ̈ro chupe reta, agüɨye peyeokuai itumpa reta pe, echa pererokomeguata ko.

JUECES 14:4

Tu jare ichɨ mbaetɨ ave oikuaa kuae yandeYa güi ko ou jökorai vaerä, echa Tumpa oeka filisteo reta jeko omboyekuaa vaerä, echa jókuae ara rupi filisteo reta güɨnoi mbaepuere Israel iñemuña reta re.

1 SAMUEL 2:25

Metei kuimbae iyoa yave japicha kotɨ, mburuvicha oporojäa vae reta ojäata; ërei metei kuimbae iyoa yave yandeYa kotɨ, ¿kia ra oñemoëta jese?” Ërei jókuae kunumi reta mbaetɨ oyandu tu jei chupe vae, echa yandeYa oyemongeta ma opa vaerä oyuka.