JOSUÉ 11:16 - Biblia Guarani Tumpa Iñee

¹⁶ Josué opɨ̈ro opaete jókuae ɨvɨ, ɨvɨtɨ guasu reta, opaete Neguev, opaete ɨvɨ Gosén, ɨvɨpe kavi reta Arabá, jare ɨvɨtɨ guasu reta jare ɨvɨtɨ päu reta Israel iñemuña reta añave yogüɨreko pɨpe vae.

JOSUÉ 11:16 ပူးပေါင်းရင်းမြစ်များ

SALMOS 105:44

omee chupe reta ïru tëtaguasu reta iɨvɨ ïru tëta reta iparavɨkɨagüe opɨta jae reta imbaerä,

SALMOS 78:55

Jae reta jenonde güi opa güɨnoe omombo tëtaguasu reta; tɨmasa pe ojäa iɨvɨgüe jae reta imbaerä, jare jëtagüe reta omee Israel iñemuña reta yogüɨreko vaerä pɨpe.

EZEQUIEL 17:23

Ɨvɨtɨ ɨvate yae vae Israel pegua re añotɨta. Jokɨta jare iata jare oyeapota metei ɨ̈vɨrare ikavi yae vae. Oipotagüe mɨmba oikota igüɨ pe, jare oipotagüe güɨra reta oyapota jaitɨrä jäka re.

EZEQUIEL 36:8

Ërei pe ɨvɨtɨ Israel pegua reta, jetata ɨvɨra perupi, jare jetata ia chembae vae Israel pegua reta peguarä, echa köi ma yogüeru reta ye vaerä.

DEUTERONOMIO 1:7

Peyupavo jare pekua amorreo reta iɨvɨ ɨvɨtɨ katuai vae rupi, jare opaete iyɨ́vɨri rupigua ɨvɨ rupi: Arabá pegua ɨvɨtɨ katuai vae rupi, ñuu rupi, jare Neguev rupi, Ɨguasu Mediterráneo jembeɨ rupi, cananeo reta iɨvɨ pe jare Líbano, ɨ̈aka guasu Éufrates kotɨ peväe regua.

JOSUÉ 10:40

Jökorai Josué opɨ̈ro opaete ɨvɨ. Omoamɨri mburuvicha guasu reta ɨvɨtɨ guasu reta rupi oñemoëta vae, Neguev pegua reta, ɨvɨpe kavi rupi jëta vae reta, ɨvɨtɨ ikúa rupi jëta vae reta jare opaete juvicha guasu reta, oeyambae reve metei ave; opaetei oyuka, yandeYa Israel iTumpa oyókuai rami.

JOSUÉ 10:41

Josué oyuka jovaicho reta, Cades-barnea güive oväe regua Gaza pe, jare opaete ɨvɨ Gosén güive Gabaón kotɨ.

JOSUÉ 11:15

YandeYa oyókuai Moisés vae rami, jökorai Moisés oyókuai Josué; jare jökorai Josué oyapo, oeyambae reve metei ave ñee yandeYa oyókuai Moisés vae.

JOSUÉ 11:2

jare mburuvicha guasu reta jókuae ɨvɨ güi ɨvɨtuguasu kotɨ ɨvɨtɨ guasu rupi jëta vae reta pe, jare Arabá kotɨ, íguasu Cineret güi arayevɨ kotɨ, ɨvɨpe kavi rupi yogüɨreko vae pe jare ɨvɨ Dor kotɨ kuaraɨ oikea kotɨ,

JOSUÉ 11:21

Josué jókuae año rupi opa vi opɨ̈ro jare omboai Anac iñemuña reta Hebrón iɨvɨtɨ re, jare Debir iɨvɨtɨ re yogüɨreko vae reta, Anab pegua reta, jare opaete ɨvɨtɨ reta añave rupi Judá jare Israel pegua reta yogüɨrekoa rupigua; Josué opa omboai jokoropigua reta jare jëta guasu reta.

JOSUÉ 12:8

ɨvɨtɨ guasu rupi, ɨvɨpe kavi rupi, ɨvɨ Arabá rupi, ɨvɨtɨ ikúa rupi, ñuu rupi jare Neguev rupi. Kuae ɨvɨ reta jae ko heteo reta, amorreo reta, cananeo reta, ferezeo reta, heveo reta jare jebuseo reta imbaegüe.

JOSUÉ 9:1

Opaete kuae mbaembae oendu yave mburuvicha guasu reta ɨ̈aka Jordán jovaicho pe kuaraɨ oikea kotɨ yogüɨreko vae reta, ɨvɨtɨ guasu rupi, ɨvɨpe kavi rupi jare opaete ïguasu Mediterráneo jembeɨ rupi Líbano jóvai yogüɨreko vae reta, heteo reta, amorreo reta, cananeo reta, ferezeo reta, heveo reta jare jebuseo reta,