JOSUÉ 11:15 - Biblia Guarani Tumpa Iñee

¹⁵ YandeYa oyókuai Moisés vae rami, jökorai Moisés oyókuai Josué; jare jökorai Josué oyapo, oeyambae reve metei ave ñee yandeYa oyókuai Moisés vae.

JOSUÉ 11:15 ပူးပေါင်းရင်းမြစ်များ

2 CRÓNICAS 30:12

Tumpa omongúe vi Judá pegua reta ipɨa-kɨ̈reɨ vaerä oyapo reta mburuvicha guasu iporookuai jare iyɨvɨrigua reta iporookuai, yandeYa jei rami.

NÚMEROS 33:50

Jare yandeYa jei Moisés pe, ɨvɨ Moab pe, ɨ̈aka Jordán jembeɨ pe, Jericó re katu:

NÚMEROS 33:52

penoe pemombo opaete jókuae ɨvɨ pegua, jare pemboai opaete itumpa-raanga ita pegua, jare opaete mbae iä jiero pegua oyemondɨkui oyeapo vae, jare pemboai opaete itumpa-raanga omboete jese vae ɨvɨtɨ re güɨnoi reta vae.

San Mateo 23:23

¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.

San Lucas 11:42

“¡Paravete, pe fariseo reta! Echa pemee pediezmo temitɨ reta penoi vae güi. Ërei mbaetɨ peyapo jupi vae, jare mbaetɨ peaɨu Tumpa. Kuae ko jae peyapo vaerä peeyambae reve diezmo reta.

Hechos 20:20

Ërei mbaetɨ aipoɨu amoërakua vaerä peve opaete ikavi peve peguarä vae. Jare pomboe jeta vae jovake jare pero reta rupi vi.

Hechos 20:27

Echa amombeu kavi peve opaete Tumpa jei vae.

DEUTERONOMIO 12:32

Peyapo avei opaete poyókuai vae, pemoïrumbae reve ani peekɨmbae reve.

DEUTERONOMIO 31:3

YandeYa Tumpa ojota perenonde; jae omboaita peve kuae tëtaguasu reta, jare peiketa peiko pɨpe; Josué ojota perenonde, yandeYa jei rami.

DEUTERONOMIO 31:5

YandeYa omeeta pepo pe kuae tëta guasu reta, peyapo chupe reta opaete che poyókuai rami.

DEUTERONOMIO 31:7

Javoi Moisés oenɨi Josué jare jei chupe opaete Israel iñemuña reta jovake: “Eñemomɨ̈rata jare eñemoäta ngatu; echa nde rerajata kuae tëta jókuae ɨvɨ yandeYa güɨrökuavee jee re omee vaerä peñemuñagüe reta pe vae pe, nde reroiketa remee chupe reta.

DEUTERONOMIO 4:2

Agüɨye pemoïru ñee, che poyókuai jese vae, agüɨye vi peekɨ chugüi, peyapo yandeYa Tumpa iporookuai reta, che poyókuai jese vae.

DEUTERONOMIO 4:5

Mase, che ko pomboe mborookuai reta oyeapogüe re, cheYa Tumpa cheokuai rami, peyapo vaerä jókuae ɨvɨ peota pepɨ̈ro pembaerä vae pe.

DEUTERONOMIO 7:2

YandeYa Tumpa omee pepo pe yave kuae tëta guasu reta, opa ma pemoamɨri yave, opaetei pemboai; agüɨye jae reta ndive peyapo ñemoïru, agüɨye peiparareko reta.

JOSUÉ 1:7

Jaeño eñemomïrata jare eñemoäta ngatu yae, reyeandu reve reyapo vaerä opaete mborookuai reta cherembiokuai Moisés ndeokuai vae; agüɨye epia chugüi ketɨ ave yepe, opaete mbaembae reyapo vae oë kavi vaerä ndeve.

JOSUÉ 11:12

Jökoraiño vi Josué oyapo opaete ïru tëta guasu reta, tëta guasu Hazor ndive oyapo reta ñemoïru vae: Opɨ̈ro jare oyuka kɨsepuku pe opaete juvicha guasu reta, jare opa omboai Moisés, yandeYa jembiokuai oyókuai rami.

JOSUÉ 11:14

Israel iñemuña reta opɨ̈ro iyeupe opaete mbaembae jare mɨmba reta jókuae tëta guasu reta pegua; ërei opaete joko pe yogüɨreko vae opaetei oyuka reta, oeyambae reve metei ave.

JOSUÉ 11:16

Josué opɨ̈ro opaete jókuae ɨvɨ, ɨvɨtɨ guasu reta, opaete Neguev, opaete ɨvɨ Gosén, ɨvɨpe kavi reta Arabá, jare ɨvɨtɨ guasu reta jare ɨvɨtɨ päu reta Israel iñemuña reta añave yogüɨreko pɨpe vae.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.