JOSUÉ 11:12 - Biblia Guarani Tumpa Iñee

¹² Jökoraiño vi Josué oyapo opaete ïru tëta guasu reta, tëta guasu Hazor ndive oyapo reta ñemoïru vae: Opɨ̈ro jare oyuka kɨsepuku pe opaete juvicha guasu reta, jare opa omboai Moisés, yandeYa jembiokuai oyókuai rami.

JOSUÉ 11:12 ပူးပေါင်းရင်းမြစ်များ

DEUTERONOMIO 7:2

YandeYa Tumpa omee pepo pe yave kuae tëta guasu reta, opa ma pemoamɨri yave, opaetei pemboai; agüɨye jae reta ndive peyapo ñemoïru, agüɨye peiparareko reta.

DEUTERONOMIO 9:3

Añave peikuaata yandeYa Tumpa ko ojo perenonde vae, jae ko tata opaetei oapɨ mbae oeya vae rami, jae ko omboaita jare omoamɨrita peróvai. Pe pemoëta pemombo jare pemboaita ɨmambae pegua, yandeYa güɨrökuavee peve rami.

JOSUÉ 10:20

Josué, Israel iñemuña reta ndive opa omoamɨri amorreo reta, oparapiti jeta yeyé; amorreo reta jembɨregüe oñepɨ̈ro jëta guasu reta oñekëse kavía rupi.

JOSUÉ 10:28

Jökorai jókuae ara Josué opɨ̈ro Maceda, jare opaetei omboai, oyuka kɨsepuku pe opaete joko pe yogüɨreko vae, oeyambae reve metei ave. Oyapo mburuvicha guasu Maceda pegua pe, mburuvicha guasu Jericó pegua pe oyapo rami.

JOSUÉ 10:30

YandeYa omee Israel iñemuña reta ipo pe, kuae tëta guasu joko pegua mburuvicha guasu ndive, jare oyuka reta kɨsepuku pe opaete joko pe yogüɨreko vae reta, oeyambae reve metei ave, jare oyapo mburuvicha guasu Libna pegua pe, jare Jericó pegua pe oyapo rami.

JOSUÉ 10:32

Jare yandeYa omee Israel iñemuña reta ipo pe tëta guasu Laquis, jare opɨ̈ro reta pɨareve pe, oyuka reta kɨsepuku pe opaete joko pe yogüɨreko vae reta jare jɨmba reta, Libna pe oyapo rami.

JOSUÉ 10:35

jókuae ara voi opɨ̈ro reta, jare oyuka reta kɨsepuku pe, joko pe yogüɨreko vae reta, Laquis pe oyapo reta rami.

JOSUÉ 10:37

Opɨ̈ro reta yave, opaetei oyuka reta kɨsepuku pe, mburuvicha guasu ipɨau vae jare opaete jókuae tëta guasu pegua reta jare mɨmba reta joko pe yogüɨreko vae, oeyambae reve metei ave, Eglón pe oyapo reta rami, jökorai omboai reta jókuae tëta guasu opaete joko pe yogüɨreko vae reta ndive.

JOSUÉ 11:13

Ërei opaete tëta guasu reta ɨvɨtɨ re ñogüɨnoi vae, Israel iñemuña reta mbaetɨ oapɨ; jaeño tëta guasu Hazor opa oapɨ Josué.

JOSUÉ 11:15

YandeYa oyókuai Moisés vae rami, jökorai Moisés oyókuai Josué; jare jökorai Josué oyapo, oeyambae reve metei ave ñee yandeYa oyókuai Moisés vae.

JOSUÉ 13:6

Opaete ɨvɨtɨ guasu rupi jëta vae reta, Líbano güive Misrefot-maim kotɨ, opaete Sidón pegua reta; che amboaita Israel iñemuña reta jenonde güi, jaeño nde emboyao ɨvɨ suerte rupi Israel iñemuña reta imbaerä, che royókuai rami.

JOSUÉ 21:44

Jare yandeYa omee yogüɨreko pɨagüive vaerä jókuae ɨvɨ pe, jae oñererökuavee jee re ae Israel iñemuñagüe reta pe rami; jare opaete jovaicho reta güi mbaetɨ metei ave ipuere oñeraro jae reta ndive, echa yandeYa omee jae reta ipo pe opaete jovaicho reta.

JOSUÉ 8:31

Moisés, yandeYa jembiokuai oyókuai Israel iñemuña reta rami, Moisés omombeu mborookuai vae oyekuatía oï rami: “Mɨmba oyeyuka oyeapɨ jese vae ita reta oñeopambae pegua.” Jayave Israel iñemuña reta omee mɨmba oyeyukagüe opaetei oyeapɨ vae, jare omee reta mɨmba oyeyukagüe yembopɨakatu pegua.

JOSUÉ 8:8

Peike ma joko pe yave, opa peapɨ yandeYa jei rami. Echa mborookuai ko.”

JOSUÉ 9:24

Jare Gabaón pegua reta jei Josué pe: —Royapo ko kuae, echa rokɨɨye yae nde opata oreyuka vae güi, echa jërakua oreve, peYa Tumpa oyókuai jembiokuai Moisés, omee vaerä peve opaete kuae ɨvɨ jare pemokañɨtei vaerä opaete kuae ɨvɨ pe yogüɨreko vae reta.