JOSUÉ 10:27 - Biblia Guarani Tumpa Iñee

²⁷ Jare kuaraɨ oiketa ma ojo yave Josué ombogüeyɨuka ɨvɨra güi jare oñonouka ɨvɨkua pe, jókuae jae reta oñemía pe. Jaɨkue rupi oñono reta ita tuicha vae reta jókuae ɨvɨkua jöke re, jökorai oimeño añave rupi joko pe.

JOSUÉ 10:27 ပူးပေါင်းရင်းမြစ်များ

2 SAMUEL 18:17

Javoi oipɨɨ reta Absalón jetegüe jare oitɨ reta metei ɨvɨkua guasu jókuae kaa pe oï vae pe, jare iárambo omboatɨ reta jeta ita. Opaete Israel pegua reta otekuarai jo ñavo kotɨ.

JOSUÉ 4:9

Josué omopüa vi doce ita ɨ̈ aka Jordán mbɨte pe, sacerdote reta käjou morogüɨrökuavee päve pegua güɨraja vae reta oyemboɨa jendagüe pe; jare jókuae ita reta oime añave rupi joko pe.

JOSUÉ 7:26

Jare omboatɨ reta jese jeta ita, jókuae oimeño añave rupi. Jökorai yandeYa iyarasɨ poi. Kuae jeko pegua jókuae ɨvɨtɨ päu jekuaeño jee Acor, añave rupi.

JOSUÉ 8:29

Jare mburuvicha guasu Hai pegua ombosagüɨu metei ɨvɨra re kaaru regua, jare kuaraɨ oike ma yave ombogüeyɨuka ɨvɨra güi jetegüe, jare oñonouka tëta jöke pe jare omboatɨuka jese ita. Jókuae ita yatɨ oï vae oimeño añave rupi.