JOSUÉ 10:24 - Biblia Guarani Tumpa Iñee

²⁴ Jare güeru reta Josué pe yave, jae oenɨi opaete Israel iñemuña reta, jare jei mburuvicha ñeraro regua reta jae ndive yogüeru vae reta pe: “Peyu kuae kotɨ jare peñono pepɨ kuae mburuvicha guasu reta iyaseo re.” Jare jókuae mburuvicha reta jökorai oyapo.

JOSUÉ 10:24 ပူးပေါင်းရင်းမြစ်များ

2 SAMUEL 22:39

¡Opaetei ayuka! ¡Opa ambojaɨ jaɨ! Oa reta chepɨ igüɨ pe, ¡mbaetɨ ye ma opüa reta!

2 SAMUEL 22:41

Rembotekuarai cherovaicho reta chegüi, amokañɨtei vaerä chemotareɨ vae reta.

SALMOS 107:40

Tumpa omotareɨ oiporarauka chupe vae reta, jáeramo ko, opa ombojopauka reta ñuu rupi, tapembaea rupi omboguataukaiño reta.

SALMOS 110:1

YandeYa jei cheYa pe: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

SALMOS 110:5

YandeYa oï ndeakatu kotɨ; iyarasɨ iara pe, jae omokañɨteita mburuvicha guasu reta;

SALMOS 18:40

Rembotekuarai cherovaicho reta chegüi, amokañɨtei vaerä chemotareɨ vae reta.

SALMOS 91:13

Yaguapope jare moitini re repɨ̈rota; yaguapope ndeigüe re repɨ̈rota, jare mbaeporou teyu guasu rami vae re.

ISAÍAS 51:23

Jare añonota jókuae kopa, oiporarauka ndeve vae reta ipo pe, jei reta yepi ndeve: ‘Eyapakua, roasata ndeárambo rupi’; jare nde reyapakua ɨvɨ re, javoi jae reta oasa, tape rupi rami.”

MALAQUÍAS 4:3

Jókuae ara pepɨ̈rota jeko kavimbae reta re, tanimbu rami opɨta retata pepɨ igüɨ pe. Jókuae ara amboɨpɨ aporojäa yave, jei yandeYa Imbaepuere yae ete vae.

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

DEUTERONOMIO 33:29

Peyerovia pe Israel iñemuña reta, ¿kia pa ipuereta oyemboyovake pe ndive? YandeYa etei ko pereroasayepe; jae ko peangareko jare pemborɨ. ¡Jae ko pekɨsepuku peporomoamɨri vaerä! Perovaicho reta oñemomichita peve, jare pe pemboaita jae reta iyemboetea.”

Hebreos 1:13

Tumpa mbaetɨi ko kia nunga araɨgua pe ave jei: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

JUECES 8:20

Jare jei taɨrɨpɨ Jeter pe: —¡Epüa jare opa eyuka! Ërei Jeter mbaetɨ oekɨ ikɨsepuku jɨru güi, echa taɨrusu yae vɨteri ko.