JOSUÉ 1:15 - Biblia Guarani Tumpa Iñee

¹⁵ yandeYa omee ɨvɨ perëtara reta pe vae pe, yogüɨreko pɨagüive regua, peve omee rami, jae reta togüɨnoi vi ɨvɨ, yandeYa Tumpa omeeta chupe reta vae; jaɨkue rupi peyerova ye peɨvɨ kotɨ peiko ete vaerä pɨpe, kuae ɨ̈aka Jordán jovaicho kotɨ, kuaraɨ oëa kotɨ, Moisés, yandeYa jembiokuai omee peve vae pe.

JOSUÉ 1:15 ပူးပေါင်းရင်းမြစ်များ

1 Corintios 12:26

Jare metei yanderete regua oiporara yave, opaete yanderete oiporara. Jaeramiño vi metei yanderete regua oyemboeteuka yave, opaete yanderete oyerovia.

1 Corintios 13:5

mbaetɨ yayapo ikavimbae, mbaetɨ yaipota mbae yandeyeupeguaräño, mbaetɨ yandearasɨ, mbaetɨ yandearasɨ yaiko yandepɨa pe ïru vae kotɨ,

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Gálatas 6:2

Peyomborɨ mborɨ, pevoɨta ipoɨ vae re rami, jökorai pembopo Cristo iporookuai.

DEUTERONOMIO 3:18

Jayave che poyókuai, körai: ‘YandeYa Tumpa omee peve kuae ɨvɨ pembaerä. Ërei peota perëtara Israel iñemuña reta ndive opaete oikatu oñeraro vae, tembiporu ñeraro pegua ndive.

DEUTERONOMIO 3:20

YandeYa omee regua mbutuu perëtara reta pe, pe reta rami, jare jae reta togüɨnoi ɨvɨ imbae retarä yandeYa Tumpa omee chupe reta Jordán jovaicho pe vae; jayave ramo peyu yeta peɨvɨ pe, che amee pevea pe.’

DEUTERONOMIO 9:1

Peyeapɨsaka, Israel iñemuña reta: Añave oväe ma peasa vaerä Jordán, peike vaerä pepɨ̈ro tëta guasu reta jeta yae pegüi vae, jare imbaepuere yae pegüi vae; tëtaguasu reta tuichagüe, jare ikësea ɨvate yae vae;

Filipenses 2:4

agüɨye tomae iyé aeño, toyemoambeko vi ïru vae reta re.

JOSUÉ 1:1

Moisés, yandeYa jembiokuai omano güire, yandeYa jei Josué, Nun taɨ Moisés imborɨa pe:

JOSUÉ 1:14

Perembireko reta, pemichia reta jare perɨmba reta topɨta kuae ɨvɨ pe, Moisés omee peve kuae ɨ̈aka Jordán jovaicho kotɨ vae pe. Ërei opaete kuimbae jëia vae reta toyogüɨraja tembiporu ñeraro pegua ndive jëtara reta jenonde, omborɨ vaerä,

JOSUÉ 1:16

Jayave jei reta Josué pe: —Toroyapo opaete mbae re oreokuai vae, torojo nde oremondoa kotɨ.

JOSUÉ 22:1

Jayave Josué omboatɨ Rubén jare Gad ñemuña reta jare Manasés iñemuña reta oyemboyaogüe,