JOSUÉ 1:14 - Biblia Guarani Tumpa Iñee

¹⁴ Perembireko reta, pemichia reta jare perɨmba reta topɨta kuae ɨvɨ pe, Moisés omee peve kuae ɨ̈aka Jordán jovaicho kotɨ vae pe. Ërei opaete kuimbae jëia vae reta toyogüɨraja tembiporu ñeraro pegua ndive jëtara reta jenonde, omborɨ vaerä,

JOSUÉ 1:14 ပူးပေါင်းရင်းမြစ်များ

ÉXODO 13:18

Jáeramo Tumpa güɨraja ñuu rupi tape ojo Ɨguasu Pɨ̈ta vae kotɨ vae rupi, jokoropi oyere reta vaerä yogüɨraja. Jare ñogüɨnoe Israel iñemuña reta Egipto güi jembiporu ñeraro pegua reve reve.

NÚMEROS 32:26

Oremichia reta, orerembireko reta, jare opaete orerɨmba opɨtata ko kuae tëta guasu reta Galaad pegua peño,

DEUTERONOMIO 20:8

Jaɨkue rupi mburuvicha reta timiari sundaro reta pe, körai: ‘Oime yave kia okɨɨye jare ipuereä vae, tojo ye jëta pe, agüɨye vaerä ombopɨtu japicha reta.’

DEUTERONOMIO 3:19

Jaeño ete perembireko reta, pemichia reta jare perɨmba reta che aikuaa jeta yae penoi vae, opɨtata tëta guasu reta pe, che amee pevea pe.

DEUTERONOMIO 33:21

Gad iñemuña reta opɨta ɨvɨ kavi ndive, mburuvicha iɨvɨ oñemee chupe. Yogüɨraja tëta reta jenonde, oyapo reta Tumpa jemimbota, oyapo reta jupi vae Israel iñemuña reta pe.”

JOSUÉ 1:13

Pemaendúa yandeYa jembiokuai Moisés, peokuai vae re: —YandeYa Tumpa omee peve kuae ɨvɨ pepuere vaerä peiko pɨagüive.

JOSUÉ 1:15

yandeYa omee ɨvɨ perëtara reta pe vae pe, yogüɨreko pɨagüive regua, peve omee rami, jae reta togüɨnoi vi ɨvɨ, yandeYa Tumpa omeeta chupe reta vae; jaɨkue rupi peyerova ye peɨvɨ kotɨ peiko ete vaerä pɨpe, kuae ɨ̈aka Jordán jovaicho kotɨ, kuaraɨ oëa kotɨ, Moisés, yandeYa jembiokuai omee peve vae pe.

JOSUÉ 4:12

Oasa vi Rubén jare Gad iñemuña reta jare Manasés iñemuña reta oyemboyaogüe. Oasa reta jembiporu ñeraro pegua reve reve, jare yogüɨraja jëtara Israel iñemuña reta jenonde, Moisés jei chupe reta rami.

Apocalipsis 17:4

Jare jókuae kuña jemimonde pɨ̈taü jare pɨ̈taasɨ, jare oñemopöra oro, ita ipöra yae vae reta pe; güɨnoi ipo pe metei kopa oro pegua, tɨnɨe oï mbae pɨ̈chɨi vae pe jare ikavimbae vae pe;