JONÁS 1:6 - Biblia Guarani Tumpa Iñee

⁶ Jayave barco pe oparavɨkɨ vae reta juvicha oecha jare jei chupe: —¿Maratu pa reiko, nderopeɨ mbatee? ¡Epüa jare eyerure neTumpa pe! Güɨramoi jae yandepararekota, agüɨye vaerä ñamano.

JONÁS 1:6 ပူးပေါင်းရင်းမြစ်များ

2 SAMUEL 12:22

Jare David jei: —Oikoveño michia raɨ yave, ayekuaku tembíu güi jare aäpiro, jae reve: “¿Kia pa oikuaa, güɨramoi Tumpa chepararekota ko vae jare oikoveta michia raɨ?”

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

SALMOS 107:6

Ërei oiporara ñogüɨnoi yave osapúkai reta yandeYa pe, jare jae oepɨ mbɨatɨtɨ reta güi.

SALMOS 78:34

Tumpa ombou chupe reta mano yave, jayave oyerova reta ikotɨ jare oeka reta ikueraimbae.

ISAÍAS 3:15

¿Maera pa peyuvanga tëta chembae re? ¿Maera pa peyuvanga mbatee paravete vae reta re?” Jei yandeYa Tumpa Imbaepuere yae ete vae.

EZEQUIEL 18:2

“¿Maera pa Israel pe mbaetɨ pekuérai pere kuae ñee arakuaa pegua: ‘Kuimbae reta jou uva jayasɨ vae, jare taɨ reta jäi-yeɨ’?

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

JONÁS 3:8

Jaeño peñeapeva temimonde mbɨatɨtɨ pegua pe, jare pesapúkai täta yeyé Tumpa pe; jare metei ñavo vae toyepoepɨ jeko kavimbae güi jare jembiapo ikavimbae güi.

JONÁS 3:9

Mbaetɨ yaikuaa Tumpa oipoepɨta ra iyemongeta iyarasɨ güi, agüɨye vaerä ñakañɨtei.”

Hechos 21:13

Ërei Pablo jei: —¿Maera pa peyaeo jare chembopɨatɨtɨ? Echa mbaetɨ ko añeñono ayepokua vaeräño Jerusalén pe. Aï ko amano vaerä etei yandeYa Jesús jee re.

Romanos 13:11

Pemae mbae ara pe ma yaiko, jare peikuaa oväe ma ko ara ñaïndaivi vaerä, echa köiño yae ma oï yandemboasa ete vaerä, yaporogüɨrovia ramo yave vae güi,

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”