JONÁS 1:2 - Biblia Guarani Tumpa Iñee

² “Epüa, ekua tëta guasu Nínive pe, jare emoërakua chupe opata amboai vae, echa iyoa jeiete yae ma cheróvai.”

JONÁS 1:2 ပူးပေါင်းရင်းမြစ်များ

GÉNESIS 10:11

Kuae ɨvɨ güi oë oiko vaerä tëta Asiria jare oyapo tëta guasu Nínive, Rehobot, Cala,

2 REYES 19:36

Jayave Senaquerib, mburuvicha guasu Asiria pegua oyerova ye Nínive kotɨ jare opɨta joko pe.

2 CRÓNICAS 28:9

Jayave rupi oiko joko pe yandeYa iñeemombeúa Obed jee vae, jae oë sundaro reta japerä pe, oike retata ma Samaria pe yave, jei chupe reta: —YandeYa, peñemuñagüe reta iTumpa iyarasɨ Judá pegua reta kotɨ, jókuae jeko pegua omee pepo pe. Ërei pe reta peyukaasɨ katu pearasɨ yae reve.

ESDRAS 9:6

jare jae: “Cheru Tumpa, chemara jare mbaetɨ aikuaa mbae jae vaerä ndeve cheTumpa, echa oasa ete oreyoa, jare orereko reta oupitɨ ara.

ISAÍAS 37:37

Jayave mburuvicha guasu Senaquerib oyerova ye Nínive kotɨ jare opɨta joko pe.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

JEREMÍAS 20:9

Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

EZEQUIEL 2:7

Nde emombeu chupe reta cheñee, ipuere oyeapɨsaka nderé ani mbaetɨ vi, echa jae reta ko iñeereendumbae.

OSEAS 7:2

Mbaetɨ oyemongeta reta che chemaendúa ko opaete ikavimbae oyapo reta vae re. Añave ngaraa ma oyemboapeuka reta jembiapo reta pe, ñogüɨnoi cheróvai jembiapo ikavimbae reta.

JONÁS 3:2

“Epüa, ekua tëta guasu Nínive kotɨ jare emoërakua cheñee joko pe, amombeuta ndeve vae.”

JONÁS 3:3

Jare Jonás opüa ojo Nínive pe, yandeYa jei chupe rami. Nínive ko jae tëta guasu tuicha yae ete vae, mboapɨ ara yaguata jupi vae.

JONÁS 4:11

Jare che, ¿aiparareko potaa pa Nínive jókuae tëta guasu tuicha yae vae, joko pe oime oasa ciento veinte mil michia reta mbaetɨ vɨteri oikuaa ikavi vae jare ikavimbae vae jare jeta mɨmba reta?

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

NAHUM 1:1

Tëta guasu Nínive mbae oasata vae regua, Tumpa oechauka Nahum, Elcos pegua pe.

NAHUM 3:19

¡Mbaetɨ moa ndepere peguarä; ndepere okuerambae ko! Opaete vae oendu yave ndesusere oyepopete retata oyerovia güi, echa jeta ko oiporara reta ndereko ikavimbae.

San Mateo 10:18

Jare peyererajaukata mburuvicha reta jare mburuvicha guasu reta jóvai chereko pegua, pepuere vaerä chemombeu chupe reta jare judiombae vae reta pe.

San Mateo 12:41

Tumpa oporojäa yave, Nínive pegua reta opüata omboeko vaerä añave yogüɨreko vae reta. Echa jae reta oeya iyemongeta ikavimbae vae ipɨa pe güɨnoi vae, Jonás omoërakua Tumpa iñee chupe reta yave. Ërei, ko oï tuichagüe yae Jonás güi vae.

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.

Apocalipsis 18:5

echa iyoa oa ojo ara re, jare Tumpa oecha jókuae jeko ikavimbae.