JOEL 2:28 - Biblia Guarani Tumpa Iñee

²⁸ “Kuae jaɨkue rupi ambouta cheEspíritu opaete vae reta re; jare peraɨ reta jare perayɨ reta oñemoñeeta cheregua; jare ndechi reta opaɨuta jare taɨrusu reta oechata Tumpa oechauka vae.

JOEL 2:28 ပူးပေါင်းရင်းမြစ်များ

PROVERBIOS 1:23

Peyeapɨsaka cheporombosɨmbi re, jare che ameeta peve chearakuaa katu, jare aikuaaukata peve cheñee reta.

ISAÍAS 32:15

Ërei yandeYa iEspíritu outa yanderé ɨvate güi, jayave ɨvɨ ipombae, ikavi yeta oñemaetɨ pɨpe vaerä, jare ɨvɨ kavi jeiete yaeta ikavi.

ISAÍAS 40:5

YandeYa omboyekuaata iyemboetea, jare opaete kuimbae reta oecha päveta. Echa yandeYa etei ko jei.”

ISAÍAS 44:3

echa amoëta ɨ ñuu rupi, jare ɨ̈aka reta, ɨvɨ otini vae rupi. Ameeta tekove neñemuña reta pe, cheporerekuata jese reta.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 54:13

Jare opaete nemembɨ reta che ndeYa etei amboeta; jare oyekou yaeta mbɨakatu re.

JEREMÍAS 23:25

Aendu jókuae ñeemombeúa reta iyapu reve omoërakua mbae maratuta vae cheree re vae, jare jei reta che chemiari jae reta ndive ipaɨu rupi vae.

JEREMÍAS 23:28

¡Metei ñeemombeúa opaɨu yave, tomombeu opaɨu ko vae; ërei cheñee omboresive ko yave, tomombeu kavi añetegüe! Mbaetɨi ko kapii oyovake trigo ndive.

EZEQUIEL 36:27

Añonota peɨvɨte pe cheespíritu, jare poapota peiko vaerä cheporookuai rupi; peñovatuta jare peyapota.

EZEQUIEL 37:14

Jare chepɨ̈túe ameeta peve, peikove ye vaerä; jare poñono yeta peɨvɨ ae pe. Jayave peikuaata che peYa ko jae kuae jare ayapo. Che peYa jae kuae.’ ”

EZEQUIEL 39:29

Ngaraa ma ayembosɨrɨ chugüi reta, echa ameeta chembaepuere Israel iñemuña reta pe. Che peYa Tumpa jae kuae.”

DANIEL 7:1

Meteia año ma Belsasar oï mburuvicha guasurä Babilonia pe yave, Daniel ipaɨu pe oecha mbae jupa pe oï ramboeve. Jare osareko yave oikuatía jókuae ipaɨu regua.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

NÚMEROS 11:17

Jare che agüeyɨta chemiari nde ndive joko pe, jare aekɨta espíritu oï nderé vae güi, jare añonota jese reta; jare güɨroata reta vaerä vi nde ndive kuae tëta iyemoambeko. Jökorai mbaetɨta reroata nde aeño pe.

NÚMEROS 12:6

Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

San Lucas 1:67

Jayave Zacarías jae ko Juan tu tɨnɨe Espíritu Santo pe jare omoërakua maratuta vae regua jei reve:

San Lucas 3:6

Jare opaete vae oechata Tumpa iporomboasa.’ ”

San Juan 7:39

Jökorai imiari Jesús Espíritu omeeta güɨrovia jese vae reta pe vae re. Echa ndei ou Espíritu Santo, ndei Jesús oyemboeteuka ramo.

Hechos 2:33

Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

Hechos 2:39

Echa pembaerä ko Tumpa güɨrökuavee vae, peraɨ reta peguarä jare opaete mombɨrɨ ñogüɨnoi vae reta peguarä; opaete yandeYa Tumpa oenɨita vae reta peguarä.

Hechos 21:9

Kuae kuimbae güɨnoi irundɨ tayɨ ndei omenda vae ñeemombeúa reta.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Hebreos 1:1

Arakae rupi Tumpa jeta imiari ñaneñemuñagüe reta pe iñeemombeúa reta rupi güire.

1 SAMUEL 19:20

Saúl omondo iñee jerajaa reta güeru vaerä David, jare kuae reta oecha metei atɨ ñeemombeúa reta omombeu Tumpa iñee ñogüɨnoi, Samuel oï joko pe tenonde chupe reta, jare ogüeyɨ vi Tumpa iespíritu jókuae ñee jerajaa reta re jare jae reta vi omombeu Tumpa iñee.

1 SAMUEL 19:21

Saúl oikuaa yave kuae re, omondo ïru ñee jerajaa reta, jare jae reta vi omombeu Tumpa iñee. Ërei Saúl omondo ye mboapɨa ma iñee jerajaa reta, jare jae reta vi omombeu Tumpa iñee.

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.