JOEL 1:18 - Biblia Guarani Tumpa Iñee

¹⁸ ¡Mɨmba reta jäsémbai! Guaka reta ikepegua oeka tëi kapii, vecha reta opa omano ñogüɨnoi.

JOEL 1:18 ပူးပေါင်းရင်းမြစ်များ

1 REYES 18:5

Acab jei Abdías pe: —Ekua opaete ɨvɨ rupi ɨesaɨ jare ɨ̈aka oimea rupi, yaecha ra yandepuere ñaväe kapii kavayu reta peguarä, agüɨye vaerä omano jare vi mburika guasu reta, agüɨye vaerä yapɨta yanderɨmbambae.

1 REYES 8:5

Mburuvicha guasu Salomón jare opaete Israel iñemuña reta ñogüɨnoi jae ndive vae, ñogüɨnoi käjou morogüɨrökuavee päve pegua jóvai, omee vecha reta jare toro reta oyeyukagüe, jeta yae ramo oyepapa rapeä.

JEREMÍAS 12:4

¿Kërai yave regua pa ɨvɨ otinita oiko jare ñana kaa rupigua ipiruta oiko? Pɨpegua reta jeko kavimbae jeko pegua, mɨmba reta jare güɨra reta opa omano; echa jei reta: “Tumpa mbaetɨ ko oecha yayapogüe.”

OSEAS 4:3

Jáeramo ɨvɨ ipɨatɨtɨ; mbaetɨta mɨ̈rata güɨnoi joko pe yogüɨreko vae, mɨmba pochɨ vae ñana rupigua, güɨra reta, jare jevae reta ɨ rupigua ave omano ñogüɨnoi.

JOEL 1:20

¡Jevae ñana rupigua ave jäsémbai ndekotɨ, echa opa otini ɨ osɨrɨ vae reta, jare kuaraɨ opa omombiru kapii!

AMÓS 1:2

Amós jei: YandeYa iñeeäta yave ɨvɨtɨ Sión güi, jae ko Jerusalén, kapii jenda opa ipiru jare ɨvɨtɨ Carmelo jee vae pe ñana opa vi ipiru.

HABACUC 3:17

Amboeteta, yepe tëi mbaetɨ ipotɨ ɨva, ani mbaetɨ uvarupa pe ia uva jare ɨvɨra olivo; yepe tëi ko pe mbaetɨ mbaagüɨye; yepe tëi mɨmbarókai pe opa vecha reta jare guaka mbaetɨ jókai pe. Jeseve ayerovia yaeta, cheYa chereroasayepe vae re.

HAGEO 1:10

Jáeramo ama opɨta pegüi jare ɨvɨ mbaetɨ omee peve mbaagüɨye.

Romanos 8:22

Echa yaikuaa ko kërai iyɨpɨ güive añave regua opaete Tumpa jembiapo reta oiporara yae oï, metei kuña imembɨrasɨ vae oiporara yae oï rami.