JOB 9:8 - Biblia Guarani Tumpa Iñee

⁸ Jaeño pe etei ko oyapo ara reta; jare güɨnoi mbaepuere ɨguasu re.

JOB 9:8 ပူးပေါင်းရင်းမြစ်များ

GÉNESIS 1:1

Iyɨpɨ ete pe Tumpa oyapo ara jare ɨvɨ.

1 CRÓNICAS 16:26

Opaete tëta itumpa reta, tumpa-raangaño ko, ërei yandeYa ko jae ara reta iyapoa.

JOB 26:13

Iɨvɨtu pe ara otupei, jae oyuka mboi ñɨma iñäkua yae vae.

JOB 26:7

Jae oipɨso ara ɨvɨtuguasu kotɨ, jare ɨvɨ ombosagüɨu ipombaea re.

JOB 37:18

¿Reipɨso pa jae ndive ara, jare reeya metei jiero iyu vae oyemboipe kavi rami?

JOB 38:11

Jae chupe: “Kuae peño reyuta reväe, kuae pe opata ndeɨaparúa.”

JOB 38:16

¿Reike pa nde ɨguasu jesaɨa kotɨ, jare reike pa remae ɨvɨsoro guasu iyɨvɨte rupi?

SALMOS 33:6

YandeYa oyapo ara reta iñee peño, ipɨ̈túe peño oyapo opaete ara ipo reta.

SALMOS 77:19

Ɨguasu rupi oï nderape; reasa jeta ɨ reta, ërei mbaetɨ kia oväe nderaɨkuere.

ISAÍAS 40:22

Tumpa oikoa, güɨnoi ko ara re, joko güi oecha ɨvɨ pegua reta tuku ramiño ko vae. Jae oipɨso ara, asoya oyepɨso rami, jae omoata ara, küaraɨa guakapi pegua oñemoata rami.

ISAÍAS 42:5

Körai jei yandeYa Tumpa, ara Iyapoa, jae oyapo ara; jae oyapo ɨvɨ jare mbaembae oñemuña pɨpe vae; jae omee ɨvɨ ipo reta pe ipɨ̈túe vaerä, jare tekove, ɨvɨ iárambo yogüɨreko vae reta pe vae:

ISAÍAS 44:24

Körai jei yandeYa, ndeReepɨ vae, ndei rea mbove voi ma ndeapo vae: “Che peYa, jae ko opaete mbaembae iyapoa, che ko ayapo ara jare ɨvɨ, mbaetɨ kia chemborɨ reve.

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

JEREMÍAS 10:11

(Körai pere itumpa-raanga pota vae reta kotɨ: “Okañɨta ko ɨvɨ güi tumpa-raanga reta mbaetɨi oyapo ara jare ɨvɨ vae; mbaetɨ eteita opɨta chugüi reta metei ave ɨvɨ pe.”)

JEREMÍAS 10:12

YandeYa imbaepuere pe oyapo ɨvɨ; oñono kavi ɨvɨ oikuaa kavi reve; oipɨso ara iyarakuaa yae reve.

JEREMÍAS 51:15

YandeYa imbaepuere pe oyapo ɨvɨ; oñono kavi ɨvɨ iyarakuaa katu rupi; oipɨso ara iyarakuaa kavi yae rupi.

ZACARÍAS 12:1

YandeYa iñee Israel pe mbae oasata vae regua. YandeYa, ara oipɨso vae jare ɨvɨ oyapo vae, jare tekove oyapo kuimbae iyɨvɨte pe vae, jei:

San Juan 6:19

Jare güɨroguata reta ma yave barco raɨ pandepo kilómetro rupi, oecha Jesús oguata ou ɨ iárambo jare ou barco raɨ kotɨ. Jayave okɨɨye reta.