JOB 9:5 - Biblia Guarani Tumpa Iñee

⁵ Iyarasɨ pe, jae omomɨi jenda güi ɨvɨtɨ reta; jare mbaetɨ kia oikuaa, kia ra ko opa güɨreko rai rai vae.

JOB 9:5 ပူးပေါင်းရင်းမြစ်များ

JOB 26:6

Omanogüe vae reta ñogüɨnoia oyepea oï Tumpa jóvai, oporomokañɨtei vae Abadón mbaetɨ ipuere oñomi chugüi.

JOB 28:9

Kuimbae reta oyavɨkɨ ita reta, omokana ɨvɨtɨ guasu reta.

JOB 34:25

Tumpa oikuaa opaete jembiapo reta, pɨ̈tu yave ou jare opa omokañɨtei reta.

JOB 40:11

Emae opaete ipɨayemboete vae reta re, ndearasɨ ikotɨ reta jare emomichi reta.

JOB 41:11

¿Oñeñono jóvai vae, oasayepeta ra? ¡Opaete ara igüɨ pe ñogüɨnoi vae, chembae ko!

SALMOS 114:6

¿Maratu pa ɨvɨtɨ reta jare ɨvɨtɨ guasu reta, maera pa pechäguariko vecha kuimbae rami jare vecha raɨ reta rami?

SALMOS 46:2

Jáeramo, agüɨye yakɨɨye, yepe tëi ɨvɨkana, yepe tëi ɨvɨtɨ guasu opa osururu ɨguasu pe,

SALMOS 68:8

ɨvɨ okana, okɨ vi nderenonde, ɨvɨtɨ Sinaí okana nde Israel iTumpa jóvai.

ISAÍAS 40:12

¿Kia pa ojäa ipo mbɨte pe ɨguasu, ani ojäa ipoäka pe ara reta, jare mboapɨ ipoäka pe omboatɨ ɨvɨkúi ɨvɨ pegua, jare ojäa mbaejäaka pe ɨvɨtɨ guasu reta jare ɨvɨtɨ reta?

NAHUM 1:5

Ɨvɨtɨ guasu reta okana jae jóvai; ɨ̈vavira reta opa tɨkui jae jóvai. Opaete ɨvɨ jare opaete yogüɨreko pɨpe vae ipɨakɨɨye yae oyekuaa yave.

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

HABACUC 3:10

Ɨvɨtɨ reta okana ndereecha yave, ara güi oa ama tuichagüe, ɨguasu tɨpɨ vae jɨapu ɨaparúa reta opüa ramboeve.

HABACUC 3:6

Jae oyemboɨ yave ɨvɨ okana tëta guasu ipo reta orɨrɨi jae omae jese reta yave; ɨvɨtɨ guasu reta ñɨma yae vae osururu jare opa oyemboai; Tumpa jemimbota reta ko opambae.

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

San Mateo 21:21

Jayave Jesús jei chupe reta: —Añete che jae peve, peporogüɨrovia yave, ngaraa peyapo che ayapo ɨva pe vaeño, pere yave ɨvɨtɨ guasu pe: “Esɨrɨ kuae güi, ea ɨguasu pe.” Jökoraita ko oyeapo.

San Mateo 27:51

Jayave asoya tupao imboyaoa osoro mbɨte rupi ɨvate güi ɨ́vɨkotɨ. Jare ɨvɨ okana jare ita guasu reta oyeka.

San Lucas 21:11

Oimeta ɨvɨkana tuichagüe. Oimeta karuai reta jare mbaerasɨ reta oipota rupi; oimeta kɨɨye jare mbaembae yavaetegüe oyekuaa ara re.

1 Corintios 13:2

Yepe mona amoërakua maratuta vae re, ani aikuaa opaete mbaembae yaikuaambae vae, jare opaete arakuaa katu, jare anoi mborogüɨrovia tuicha vae, chepuere vaerä ambosɨrɨ ɨvɨtɨ guasu reta. Ërei mbaetɨ aporoaɨu yave, mbaeä ko che.

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.

Apocalipsis 6:14

Jare ara opa yapúa tupapire rami; jare opaete ɨvɨtɨ reta jare ɨguasu päu pegua ɨvɨ reta oyembosɨrɨ jenda güi.