JOB 9:32 - Biblia Guarani Tumpa Iñee

³² Echa Tumpa kuimbaeä ko, aiñee-pɨndekua vaerä, jare royogüeru vaerä oporojäa vae jóvai.

JOB 9:32 ပူးပေါင်းရင်းမြစ်များ

JOB 33:12

Ërei kuae rere vae mbaetɨ ko jupi, echa Tumpa tuicha ko iyemongeta pe kuimbae güi.

JOB 33:7

Jayave agüɨye ekɨɨye chegüi, ngaraa ayapouka ndeve che jaegüeño.

JOB 9:14

Jayave, ¿këraita pa che amoë cheñee chupe, jare këraita pa aiñee-pɨndekua?

JOB 9:19

Ñanemiari yave imbaepuere re, añetete imbaepuere yae ko; ñajäa vaerä ko yave, ¿kia pa ojota güeru?

JOB 9:3

Kia oipota yave oyoaka Tumpa ndive, ngaraa ipuere ñee jeta yae vae güi metei ave omboyevɨ chupe.

JOB 9:31

Jökorai reve chepɨpɨta tuyuapo pe, cheremimonde reta ave oyuguaruta chegüi.

SALMOS 143:2

Agüɨye chejäa cheYa, echa mbaetɨ eteita ko kia oyembojupi nderóvai.

ECLESIASTÉS 6:10

Añave oime ma vae, oyembojee ma ko jökorai vaerä, yaikuaa vi kuimbae ngaraa ipuere oñeraro jókuae Imbaepuere yae ete chugüi vae ndive.

ISAÍAS 45:9

¡Paravete jókuae oyoaka iYapoa ndive vae! Tembiapo ñaeu pegua, oyovakeño ïru tembiapo ñaeu pegua reta ndive vae. Ñaeu ngaraa omoë iñee iyapoa pe, jare jei chupe: “¿Mbae pa reyapo?” Ani ngaraa jei chupe: “Mbaetɨ reikatu rembaapo.”

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

Romanos 9:20

Ërei nde, kuimbae ¿kia pa nde reñeengata vaerä Tumpa pe? Echa ɨvɨyapepo ¿ipuere pa iñeengeta iyapoa pe, jei: “Maera pa nde cheapo körai”?

1 Juan 3:20

Echa yandepɨa omboeta yandeve vae güi ko Tumpa iporomboeta tuicha yae, echa jae oikuaa opaete mbaembae.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”