JOB 9:10 - Biblia Guarani Tumpa Iñee

¹⁰ ¡Jae oyapo mbaembae tuichagüe jare mbaetɨ kia ipuere oikuaa vae, ikavi yae vae oyepapa rapeä vae!

JOB 9:10 ပူးပေါင်းရင်းမြစ်များ

JOB 37:23

Imbaepuere yae ete vae regua mbaetɨ yandepuere opa yaikuaa, jae ko tuicha imbaepuere pe vae jare jupi vae; jae mbaetɨ oporogüɨrekoasɨ katu.

JOB 37:5

Tumpa iñee jɨapu vae rupi oporomopɨakañɨ yae, oyapo mbae tuicha vae, mbaetɨ yandepuere yaikuaa.

JOB 5:9

¡Jae oyapo mbaembae tuichagüe, yaikuaa rapembae vae; jare mɨakañɨ reta oyepapa rapembae vae!

SALMOS 136:4

Pemboete mɨakañɨ tuichagüe iyapoa, echa iporoparareko jekuae avei vae ko.

SALMOS 145:3

CheYa, ndembaepuere yae ko, jupi ko reyemboeteuka yae vaerä, ndembaepuere roipapa rapeä ko.

SALMOS 71:15

Amoërakuata ara ñavo reyapogüe jupi ko vae, jare ara ñavo reporogüɨroasayepe vae; ¡yepe tëi mbaetɨ aikuaa mbovɨ etei ko!

SALMOS 72:18

Toyemboete cheYa Tumpa, Israel iTumpa, jaeño ko mbaembae tuichagüe iyapoa.

ÉXODO 15:11

CheYa, ¿kia pa nde rami ïru tumpa reta güi? ¿Kia pa nde rami tuicha yae jare iyoambae, mɨakañɨ tuichagüe jare yavaetegüe iyapoa? ¡Jupi ko reyemboeteuka vaerä!

ECLESIASTÉS 3:11

Jae ipöra oyapo opaete iara pe kavi; oñono vi kuimbae reta ipɨa pe oiko avei ko vae, yepe tëi mbaetɨ opaete oikuaa reta Tumpa oyapo iyɨpɨ güive vae, jare oyapota vae.

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

Efesios 3:20

Jare añave toyemboete Tumpa, imbaepuere yae oyapo vaerä jeta yae opaete mbaembae yaiporu vae ani yaikuaa vae güi, imbaepuere yandeɨvɨte pe oparavɨkɨ vae rupi.