JOB 8:3 - Biblia Guarani Tumpa Iñee

³ ¿Tumpa güɨrovata pa jupi vae, Imbaepuere yae ete vae oipoepɨta pa jupi vae?

JOB 8:3 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

2 CRÓNICAS 19:7

Jayave peipoɨu yandeYa güi, pemae kavi peyapo vae re, echa yandeYa Tumpa jupi vae ko, mbaetɨ oporoparavo ani mbaetɨ vi oipɨɨ vɨari korepoti ani mbae.”

JOB 10:3

Nde etei ko cheapo, ¿jaekavi pa ndeve reyuvanga katu jare chemotareɨ vaerä, jare reë vaerä iyoa vae reta iyemongeta jekovia pe?

JOB 19:6

Peikuaa kavi añave, Tumpa ko chembosusere, jae ko chereitɨuka ñuai pe.

JOB 19:7

Mase, che asapúkai: “Cheyuka ma oï”, ërei mbaetɨ kia oendu cheve, aiporu yemborɨ, ërei mbaetɨ kia oyapo jupi vae cheve.

JOB 21:15

¿Kia pa jókuae Imbaepuere yae ete vae romboete vaerä? ¿Mbae pa omeeta oreve royerure chupe yave?”

JOB 21:20

Jae toecha oyavɨgüe, jare toiporara Imbaepuere yae ete vae iyarasɨ.

JOB 34:5

Echa Job jei: “Jekombae ko che, ërei Tumpa mbaetɨ chembojupi.

JOB 35:13

Tumpa Imbaepuere yae ete vae, mbaetɨ oendu jupimbae; mbaetɨta omae jókuae nunga reta re.

JOB 36:23

mbaetɨ kia ipuere jei chupe: “Kuae eyapo”, ani güɨröɨro iparavɨkɨ chugüi.

JOB 36:3

Aiporuta tuicha rupi chearakuaa, aechauka vaerä cheApoa jaekavi ko oyapo oï vae.

JOB 37:23

Imbaepuere yae ete vae regua mbaetɨ yandepuere opa yaikuaa, jae ko tuicha imbaepuere pe vae jare jupi vae; jae mbaetɨ oporogüɨrekoasɨ katu.

JOB 4:17

“¿Ipuere ra kuimbae jupi yae Tumpa güi? ¿Ipuere ra oiko ikɨambae iyapoa jóvai?

JOB 40:2

¿Ipuereta ra oyoaka Imbaepuere yae ete vae ndive vae? Oyoaka Tumpa ndive vae, toikuaa kuae.

JOB 40:8

¿Mbaetɨ vi pa nde rembojupi cheporojäa, reipota chemboeko, repɨta vaerä jekombae?

SALMOS 89:14

Ndeguapɨa mborookuaía pegua oï jupi jare sɨmbi vae re; mboroparareko jare añete vae ojo nderenonde.

SALMOS 99:4

Nde ko jae mburuvicha guasu imbaepuere yae vae, mbaejupi reaɨu vae, nde ko reyapo isɨmbi vae. Nde ko reyapo jupi vae jare isɨmbi vae Jacob iñemuña reta pe.

EZEQUIEL 18:25

Jare pere yave: ‘Mbaetɨ jupi Tumpa oyapogüe.’ Peyeapɨsaka añave Israel pegua reta, ¿peyemongeta pa mbaetɨ jupi ayapo? ¿Pe retaä ra jupimbae peyapo?

EZEQUIEL 33:17

Javoi nerëtaɨgua reta jeita: ‘YandeYa mbaetɨ oyapo mbae jupi rupi’, ërei jae reta ko mbaetɨ jupi rupi mbae oyapo.

EZEQUIEL 33:20

Ërei pere: ‘YandeYa mbaetɨ oyapo mbae jupi rupi.’ Ërei che pojäata Israel iñemuña reta metei ñavo pereko reta oï rupi.”

DANIEL 9:14

CheYa, jáeramo remokätɨro kuae ikavimbae jare rembou oreré; echa nde, oreYa Tumpa, jupi ko opaete mbae reyapo vae rupi; ërei ore mbaetɨ roipota roendu ndeve.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.

Apocalipsis 16:7

Jare aendu ñee mɨmba oyeyukagüe oyeapɨ oñemeea güi, jei: “Añete ko, oreYa Tumpa Imbaepuere yae vae, neporojäa reta añete ko jare jupi ko.”