JOB 7:16 - Biblia Guarani Tumpa Iñee

¹⁶ Añereröɨro ma, mbaetɨ ma aipota aikove aiko, chereeya mbɨakatu pe, cherekove mbaeä etei ko.

JOB 7:16 ပူးပေါင်းရင်းမြစ်များ

GÉNESIS 27:46

Rebeca jei Isaac pe: —Chekuérai ma aiko Het iñemuña tayɨ reta jeko kavimbae jeko pegua, añave Jacob omenda vi yave Het iñemuña tayɨ reta ndive, ¿maera ye pa aikoveta aiko?

1 REYES 19:4

Jare jae ojo ñuu kotɨ, metei ara oguata, jare ou oguapɨ metei ɨvɨra igüɨ pe; jare oipotaecha omano, jare jei: “¡Joko peño mo cheYa, eekɨ chegüi cherekove, echa mbaetɨ ko ayapɨraa cheru reta chereko kavi pe!”

JOB 10:1

¡Chembogüérai ma körai aiko vae! Cheräseta chepuere rupi, chemiarita jasɨ katu aiporara aï vae re.

JOB 10:20

¿Mbovɨñoä yera cheara reta aikove aiko vaerä? ¡Emaeño mo cheré, tachepɨakatu michi raɨ pegua yepe!

JOB 14:6

Esɨrɨ chugüi, jare toiko pɨagüive. ¡Emaeño toyemboyerovia ara ñavo iparavɨkɨ jepɨ chupe vae rami!

JOB 6:9

¡Mbae mona Tumpa ipɨakatu reve oiporarauka cheve, oitɨ mona ipo cheré, jare cheyuka ete voi!

JOB 7:15

Jáeramo, aipotaecha ma nde chetïmbɨ jare chepɨ̈tupa amano, tekove mbaetɨ aipota, manoño ko aipota.

JOB 7:7

Nemaendúa, cherekove mbaeä etei ko nderóvai, ngaraa ye aecha yerovia.

JOB 9:21

Che cherekoä yave, ngaraa ko oyangareko cheré; omotareɨta ko cherekove.

SALMOS 144:4

Kuimbae mbaeä etei ko; jekove, küaraɨa oasa vae ramiño ko.

SALMOS 39:10

Eekɨ chegüi reiporarauka cheve vae; cheyukata ma ndepo reñono cheré vae.

SALMOS 39:13

Emaeño mo cheré, tachepɨ̈rata ye, ndei amano mbove.”

SALMOS 39:6

¡Añetete opaete kuimbae oasa küaraɨa ramiño! Añetete oyemoambekoiño ma, omboatɨ mbatee mbaeyekou vae, mbaetɨ oikuaa kia imbaerä ko vae.

SALMOS 62:9

Añetete, kuimbae reta mbaeä etei ko, paravete vae ani oikokatu vae; mbaejäaka pe oñejäa reta yave, mbaetɨ etei oñejäa ramiñota ko.

SALMOS 78:33

Jáeramo, iara omboapɨ chugüi reta jarembae pegua, jare iaño reta mbɨatɨtɨ yavaetegüe pe.

SALMOS 78:39

Imaendúa, kuimbae retaño ko vae, ɨvɨtu rami oasa jare mbaetɨ oyerova ye.

ECLESIASTÉS 2:17

Jáeramo, aröɨro tekove, echa opaete kuae ɨvɨ pe oyeapo vae ikaviä etei cheve. Echa opaete kuae reta mbaeä etei ko, ¡yayemoambekoiño ma ko jese!

JEREMÍAS 8:3

Jókuae ñemuña reta jeko kavimbae güi jembɨregüe, kerupi che amoaia rupi ñogüɨnoia pe oeka eteita omano vaerä. Che ndeYa Imbaepuere yae ete vae, jae kuae.

JONÁS 4:3

Añave cheYa romoñera reekɨ vaerä chegüi cherekove; echa, mano ikavi yaeta cheve tekove güi.

JONÁS 4:8

Jare kuaraɨ oë ma ou yave, Tumpa ombou ɨvɨtuakuvo täta yae vae, jare kuaraɨ omombaerasɨ Jonás iñäka pe, oyuka seri, jare oipotaecha omano, jei körai: —Ikavi ndipo amano, aikove aiko vae güi.