JOB 5:22 - Biblia Guarani Tumpa Iñee

²² Repukata karuai jare mbaesusere reta ou tëi yave, jare ngaraa rekɨɨye mbaeporou reta kaa rupigua güi.

JOB 5:22 ပူးပေါင်းရင်းမြစ်များ

2 REYES 19:21

Kuae ko jae ñee reta yandeYa jei mburuvicha guasu Asiria pegua re vae: “Senaquerib, tëta guasu Sión, ndeyóyai yóyai metei kuñatai rami, Jerusalén oñeäkambovava ndeyóyai yóyai, nde resɨrɨ ye yave.

JOB 8:21

Jae omee yeta ko repuka vaerä, jare reyerovia katu vaerä.

SALMOS 91:13

Yaguapope jare moitini re repɨ̈rota; yaguapope ndeigüe re repɨ̈rota, jare mbaeporou teyu guasu rami vae re.

SALMOS 91:6

Agüɨye ekɨɨye mbaerasɨ ovakatu vae pɨtumimbi rupi oguata vae güi, ani ara pe yayoa ñamano jeta rupi vae güi.

ISAÍAS 35:9

Jokoropi mbaetɨta oime yaguapope, ngaraa oime ani ou jokoropi mbaeporou reta. Oyeyoragüe retaño yogüeruta jokoropi,

ISAÍAS 65:25

Aguarayaɨmba jare vecha kuimbae raɨ okaru päveta, yaguapope jouta kapii güeye rami; jare mboi jembiurä ɨvɨkúi. Ngaraa oyombopɨatɨtɨ reta, jare ngaraa oyapo reta ikavimbae opaete cheɨvɨtɨ oñeñono tee vae pe.” Jei yandeYa.

EZEQUIEL 34:25

Ayapota morogüɨrökuavee päve yembopɨakatu pegua jae reta ndive; amokañɨta mbaeporou reta jókuae ɨvɨ güi, chevecha reta yogüɨreko pɨagüive vaerä ñuu pe jare oke pɨagüive vaerä kaa reta rupi.

OSEAS 2:18

Jókuae ara ayapota peve morogüɨrökuavee päve mɨmba reta ñana rupigua ndive güɨra reta ndive, mboi reta ndive; aekɨta kuae ɨvɨ güi güɨrapa, kɨsepuku jare ñeraro, jare peiko pɨagüiveta.