JOB 42:9 - Biblia Guarani Tumpa Iñee

⁹ Jare yogüɨraja Elifaz Temán pegua, Bildad Sun pegua jare Zofar Naamat pegua, oyapo reta yandeYa jei chupe reta rami; jare yandeYa oendu Job iyerure.

JOB 42:9 ပူးပေါင်းရင်းမြစ်များ

GÉNESIS 20:17

Jayave Abraham oyerure Tumpa pe; jare Tumpa oipoano Abimelec jare jembireko, jare jembiokuai kuña reta, oime vaerä iñemuña reta.

JOB 2:11

Jare mboapɨ Job ivɨa-ïru reta: Elifaz Temán pegua, Bildad Súa pegua jare Zofar Naamat pegua; oendu reta opaete kuae ikavimbae ou chupe vae yave, yogüeru reta metei ñavo yogüɨrekoa kotɨ güi; echa oñomomiari reta yogüeru päve vaerä ipɨatɨtɨ jese jare ombopɨakatu vaerä.

JOB 22:27

Reyerure yave jae oenduta ndeve, jare nde remeeta reñererökuavee vae.

JOB 22:30

Jae ndereroasayepeta, mbaetɨ ndereko yave, jare reyetɨo ndeyoa güi yave.

JOB 42:10

Jare yandeYa güɨnoe Job mbɨatɨtɨ güi, jae oyerure güire ivɨa-ïru reta re; jare omoïru chupe mókoi yoarambo ye opaete imbaembae reta tenonde yave güɨrekose vae güi.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

ECLESIASTÉS 9:7

Jayave, ekaru kavi ndepɨayerovia reve; echa ndeparavɨkɨ omboyerovia ko Tumpa.

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

EZEQUIEL 14:14

Ërei jókuae ɨvɨ pe yogüɨreko yave Noé, Daniel jare Job, jae retaño ko oasayepeta jupi yogüɨreko ramo. Che ndeYa Tumpa ko jae kuae.

San Mateo 7:24

Jáeramo, oime kia oyeapɨsaka cheré jare oyapo che jae chupe oyapo vaerä vae yave, tambojaanga metei kuimbae iyarakuaa vae jorä omopüa ita guasu re vae re.

San Juan 2:5

Jayave Jesús ichɨ jei tembiokuai reta pe: —Peyapo opaete mbae jae jei peve vae.

Hechos 10:33

Jáeramo jupiveiño amondo ndekotɨ, jare yasoropai reyu vae re. Añave ore ko roï opaete kuae pe Tumpa jóvai, roendu vaerä opaete jae ndeokuai vae.

Hechos 9:6

Saulo orɨrɨi jare okɨɨye reve jei: “CheYa, ¿mbae pa reipota ayapo?” YandeYa jei chupe: “Epüa jare eike tëta guasu pe, jare amombeuukata ndeve mbae reyapo vaerä.”

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.