JOB 42:8 - Biblia Guarani Tumpa Iñee

⁸ Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

JOB 42:8 ပူးပေါင်းရင်းမြစ်များ

GÉNESIS 20:17

Jayave Abraham oyerure Tumpa pe; jare Tumpa oipoano Abimelec jare jembireko, jare jembiokuai kuña reta, oime vaerä iñemuña reta.

GÉNESIS 20:7

Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

1 CRÓNICAS 15:26

Jare Tumpa omborɨ levita reta güɨraja Tumpa ikäjou ramo, oyuka reta Tumpa pe chiu toro taɨrusu vae jare chiu vecha kuimbae.

2 CRÓNICAS 29:21

Jare güɨraja reta chiu toro taɨrusu vae, chiu vecha kuimbae, chiu vecha kuimbae taɨrusu vae, jare chiu kavara kuimbae Tumpa iñɨ̈ro vaerä mbaeyoa reta re: Mburuvicha guasu reta pe, o mbaemboetea pe oyeokuai vae reta pe jare Judá pegua reta pe. Javoi mburuvicha guasu oyókuai sacerdote reta Aarón iñemuña reta omee vaerä yandeYa pe mɨmba oyeyukagüe opaetei oyeapɨ vae mɨmba oyeapɨ jese vae re.

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

JOB 1:8

Jare yandeYa jei Satanás pe: —¿Reikuaa pa cherembiokuai Job, kërai mbaetɨ yé ïru kuimbae kuae ɨvɨ pe jae rami vae, jupi jare jeko sɨmbi vae, oipoɨu chegüi vae jare oyeandu ikavimbae güi vae?

JOB 22:30

Jae ndereroasayepeta, mbaetɨ ndereko yave, jare reyetɨo ndeyoa güi yave.

JOB 35:8

Kuimbae reta nde rami vae rerokomeguata ndeyoa pe, ani jupi vae reyapo vae rupi yogüɨreko kavita.

JOB 42:9

Jare yogüɨraja Elifaz Temán pegua, Bildad Sun pegua jare Zofar Naamat pegua, oyapo reta yandeYa jei chupe reta rami; jare yandeYa oendu Job iyerure.

SALMOS 103:10

mbaetɨ vi oiporarauka yandeve, yandeyoa reta jare ikavimbae vae yayapogüe oï rupi;

ÉXODO 18:12

Jare Jetro, Moisés jovaya omee mɨmba oyeyukagüe opaetei oyeapɨ vae jare mɨmba oyeyukagüe Tumpa peguarä. Javoi Aarón jare opaete Israel iñemuña itenondegua reta ndive yogüeru okaru vaerä Moisés jovaya ndive Tumpa jóvai.

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

JEREMÍAS 14:11

YandeYa jei cheve: “Agüɨye chemoñera kuae tëta re, oï kavi vaerä.

JEREMÍAS 15:1

YandeYa jei cheve: “Yepe tëi mona Moisés jare Samuel oyerure cheve, ngaraa aiparareko kuae tëta. Ere kuae tëta pe toë, tojo reta cheróvai güi.

EZEQUIEL 14:14

Ërei jókuae ɨvɨ pe yogüɨreko yave Noé, Daniel jare Job, jae retaño ko oasayepeta jupi yogüɨreko ramo. Che ndeYa Tumpa ko jae kuae.

EZEQUIEL 45:23

jare oñemeeta mɨmba oyeyuka opaetei oyeapɨ vae yandeYa pe ara ñavo, chiu ara arete vae pe, ara ñavo oñemeeta chiu toro taɨrusu vae jare chiu vecha kuimbae jete kavi vae. Mbaeyoa re oñemeeta ara ñavo metei kavara kuimbae.

NÚMEROS 23:1

Balaam jei Balac pe: —Emopüa cheve kuae pe chiu mɨmba oyeyuka oyeapɨ jese vae, jare eipɨɨ chiu toro taɨrusu vae jare chiu vecha kuimbae.

NÚMEROS 23:14

Jare Balac güɨraja Balaam Zofim pe, ɨvɨtɨ Pisga iyapɨte re, jare omopüa chiu mɨmba oyeyuka oyeapɨ jese vae reta, jare omee metei toro taɨrusu vae jare metei vecha kuimbae mɨmba oyeyuka oyeapɨ jese vae ñavo re.

NÚMEROS 23:29

Ërei Balaam jei Balac pe: —Emopüa cheve kuae pe chiu mɨmba oyeyuka oyeapɨ jese vae, jare eipɨɨ chiu toro taɨrusu vae jare chiu vecha kuimbae.

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

Efesios 1:6

ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;

2 Timoteo 4:14

Alejandro jiero pegua mbaravɨkɨ iyapoa, oyapo jeta ikavimbae vae cheve. YandeYa tomboepɨ chupe oyapogüe oï rupi.

Hebreos 10:4

echa toro reta jugüɨ jare kavara reta jugüɨ mbaetɨ etei ipuere omboi mbaeyoa reta.

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.

Santiago 5:14

Oime yave kia pepɨte pe imbaerasɨ vae, toenɨi oporogüɨrovia vae reta itenondegua reta. Jare jae reta toñono asaite imbaerasɨ vae re yandeYa jee re, oyerure reve jese.

Santiago 5:16

Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.

1 Juan 5:16

Metei oporogüɨrovia vae oecha yave iñeïru oporogüɨrovia vae oyapo mbaeyoa mano peguambae vae yave, toyerure Tumpa pe jese, jare Tumpa omeeta oikoño vaerä; kuae ko oyapo mbaeyoa mano peguambae vae reta pegua. Oime ko mbaeyoa mano pegua, jókuae re mbaetɨ jae peve peyerure vaerä.

1 Juan 5:6

Kuae Jesucristo ko jae omboɨpɨ iparavɨkɨ ɨ jare tugüɨ rupi vae; mbaetɨ ɨ rupiño, ɨ rupi jare tugüɨ rupi vi. Espíritu Santo ko omombeu kuae regua. Echa Espíritu Santo añete vae ko.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.

1 SAMUEL 25:35

Jare David oipɨɨ chugüi opaete mbae güeru chupe vae, jare jei chupe: —Ekua ndepɨakatu reve nerëta pe, nde reecha ayandu ndeve ndeyemongeta rami, ayapo ndeve reiporu vae.