JOB 40:11 - Biblia Guarani Tumpa Iñee

¹¹ Emae opaete ipɨayemboete vae reta re, ndearasɨ ikotɨ reta jare emomichi reta.

JOB 40:11 ပူးပေါင်းရင်းမြစ်များ

JOB 20:23

Oñemoɨ̈vɨata oï ramboeve, Tumpa oitɨta iyarasɨ jese; iyarasɨ ombouta jese jare jembíu re.

JOB 21:30

“Tumpa iyarasɨ yave ombou mbaesusere, jare jeko pɨ̈chɨi vae mbaetɨ maratu oiko”?

JOB 27:22

Tumpa oiporaraukata chupe, jare ngaraa iñɨ̈ro chupe, ikɨ̈reɨ tëita ojoyepe vaerä imbaepuere güi.

JOB 4:9

Okañɨtei reta Tumpa ipɨ̈túe rupi, jare iyarasɨ rupi opa oyemboai.

JOB 9:5

Iyarasɨ pe, jae omomɨi jenda güi ɨvɨtɨ reta; jare mbaetɨ kia oikuaa, kia ra ko opa güɨreko rai rai vae.

SALMOS 144:6

Embou ama-vera reta, opa emboai, embou nderuvɨ reta, opa embotekuarai nderovaicho reta.

SALMOS 94:2

Ɨvɨ pe oporojäa vae, epüa; eiporarauka ipɨayemboete vae reta pe.

ÉXODO 15:6

CheYa, ndepo ndeakatu kotɨgua omboyekuaa ndembaepuere, ndepo ndeakatu kotɨgua omoamɨri tovaicho reta.

ÉXODO 18:11

añave aikuaa yandeYa tuicha yae ete ko opaete ïru tumpa reta güi vae; echa ipɨayemboete pekotɨ vae reta re oechauka imbaepuere.

ISAÍAS 2:17

Ipɨayemboete vae reta iñäkatindɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 22:19

Jáeramo Tumpa jei: Che romombota reïa güi, che roekɨta ndeparavɨkɨ güi.

ISAÍAS 23:9

YandeYa Imbaepuere yae ete vae ko jei, omomichi vaerä opaete ipɨayemboete vae reta, jare oipɨaka vaerä opaete kuae ɨvɨ pe imbaepuere vae reta.

ISAÍAS 25:11

Jare Moab oipɨsota iyɨva oɨtai vae oɨtai vaerä oipɨso rami, ërei oɨtai ñavo ojota ɨ rugua kotɨ iyembotuicha, jare iyererovia katu.

ISAÍAS 26:5

Echa jae oitɨ ipɨayemboete vae reta, omomichita tëta guasu ipɨarai vae, oitɨta ɨvɨ re oeya,

ISAÍAS 42:25

Jáeramo ko oitɨ iyarasɨ jese reta ñeraro yavaetegüe rupi, opa oapɨ rami opɨta reta, ërei jeseve mbaetɨ oipota reta oendu.

JEREMÍAS 48:29

Yaikuaa katu Moab iyembotuicha; ipɨarai, ipɨayemboete jare ipɨapochɨ.

EZEQUIEL 28:2

“Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

DANIEL 4:24

Cheruvicha guasu, kuae jae oipota jei vae; Tuichagüe yae ete vae ko jei kuae oyeapo vaerä ndeve mburuvicha guasu:

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

NAHUM 1:8

Ërei ngatu, ɨporu oporomboai rami, omboai ikotɨ oyovaicho vae reta; omanota jovaicho reta.

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Lucas 18:14

Che jae peve, Tumpa iñɨ̈ro jókuae mburuvicha peguarä okovara vae pe iyoa re, jökorai ojo ye jëta pe. Ërei mbaetɨ iñɨ̈ro jókuae fariseo pe iyoa re. Echa kia nunga oyembotuicha vae, oñemomichiukata ko. Jare oñemomichi vae, oyembotuichaukata ko.”

DEUTERONOMIO 32:22

Echa chearasɨ oyepota tata rami, jare jendɨta ojo oväe matɨ ɨvɨgüɨ kotɨ; opata oapɨ ɨvɨ jare pɨpegua reta, jendɨta ɨvɨtɨ guasu reta iguapɨka.

Santiago 4:6

Ërei Tumpa omee yandeve jeta yae ipɨakavi, echa oyekuatía oï: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”