JOB 36:3 - Biblia Guarani Tumpa Iñee

³ Aiporuta tuicha rupi chearakuaa, aechauka vaerä cheApoa jaekavi ko oyapo oï vae.

JOB 36:3 ပူးပေါင်းရင်းမြစ်များ

JOB 32:2

Jayave Eliú, Baraquel taɨ buzita Ram iñemuña pegua, iyarasɨ Job kotɨ; iyarasɨ echa jae mbaetɨ oyemboeko Tumpa jóvai.

JOB 32:8

Añete, opaete kuimbae oime güɨnoi arakuaa, echa Imbaepuere yae ete vae oikuaauka chupe.

JOB 34:5

Echa Job jei: “Jekombae ko che, ërei Tumpa mbaetɨ chembojupi.

JOB 36:2

Ndepɨaguasuño cheve räri, romboeta, echa oimeño mbae jae vaerä ndeve Tumpa regua.

JOB 37:23

Imbaepuere yae ete vae regua mbaetɨ yandepuere opa yaikuaa, jae ko tuicha imbaepuere pe vae jare jupi vae; jae mbaetɨ oporogüɨrekoasɨ katu.

JOB 4:17

“¿Ipuere ra kuimbae jupi yae Tumpa güi? ¿Ipuere ra oiko ikɨambae iyapoa jóvai?

JOB 8:3

¿Tumpa güɨrovata pa jupi vae, Imbaepuere yae ete vae oipoepɨta pa jupi vae?

SALMOS 11:7

Echa yandeYa jupi vae ko, oaɨu mbae jupi rupi oyeapo vae. ¡Jupi rupi oiko vae oechata jova!

SALMOS 145:17

Jupi ko yandeYa opaete oyapogüe rupi, iporoparareko opaete oyapogüe rupi.

JEREMÍAS 12:1

CheYa, jupi vae ko nde ayoaka vaerä nde ndive; ërei aipota aparandu ndeve: ¿Maera pa iyoa vae reta yogüɨreko kavi? ¿Maera pa ipɨapochɨ vae reta yogüɨreko kavi?

DANIEL 9:14

CheYa, jáeramo remokätɨro kuae ikavimbae jare rembou oreré; echa nde, oreYa Tumpa, jupi ko opaete mbae reyapo vae rupi; ërei ore mbaetɨ roipota roendu ndeve.

DANIEL 9:7

Nde cheYa, jupi vae ko nde, ërei ore Judáɨgua reta royandu oremara; jökoraiño vi Jerusalén pe yogüɨreko vae jare opaete ïru Israel iñemuña reta, köiño jare mombɨrɨ remondo tëtaguasu reta rupi yogüɨreko vae, oyembopɨa pochɨ reta ndekotɨ jeko pegua vae.

San Mateo 12:42

Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave yogüɨreko vae reta. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón güi vae.

Romanos 9:14

¿Mbae pa yaeta jayave? ¿Tumpa jupiä pa jayave? ¡Mbaetɨ ko!

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.

Santiago 3:17

Ërei arakuaa Tumpa güi ou vae, ikɨambae ko, ipɨakatuta ko, iporoaɨu ko, ipɨakavi ko, iporoparareko ko jare oyapo ikavigüe. Oporombotavɨmbae jare mbaetɨ jova mókoi.

Apocalipsis 15:3

Jare otairari reta Moisés Tumpa jembiokuai itairari jare Vecha kuimbae taɨrusu vae itairari pe, jei reve: “Oreya Tumpa Imbaepuere yae ete vae, tuicha yae jare oremopɨakañɨ yae ko nderembiapo reta. Jupi jare añetete ko nderemimbota reta, oporogüɨrovia vae reta Juvicha Guasu.