JOB 32:8 - Biblia Guarani Tumpa Iñee

⁸ Añete, opaete kuimbae oime güɨnoi arakuaa, echa Imbaepuere yae ete vae oikuaauka chupe.

JOB 32:8 ပူးပေါင်းရင်းမြစ်များ

GÉNESIS 41:38

Jayave Faraón jei iyɨvɨrigua reta pe: —¿Kia pe ye pa ñaväeta kuae kuimbae rami vae, Tumpa iespíritu oï jese vae?

GÉNESIS 41:39

Faraón jei José pe: —Tumpa etei oikuaauka kuaekuae ndeve, echa mbaetɨ ye kia iyarakuaa katu jare oikatu nde rami vae.

1 REYES 3:12

mase, ko ayapo ndeve reiporu rami: Ko amee ndeve arakuaa katu, mbaetɨi nde rami vae nde ndei reiko mbove, jare ngaraa ye kia opüa nderaɨkue rupi nde rami vae.

1 REYES 3:28

Jare opaete Israel oendu jókuae mburuvicha guasu oyapo morojäa vae regua; jare okɨɨye reta mburuvicha guasu güi, echa oecha reta oime ko jese Tumpa iyarakuaa oporojäa vaerä.

1 REYES 4:29

Jare Tumpa omee arakuaa katu Salomón pe oikuaa yae vaerä jeta mbaembae, ɨguasu jembeɨ pe jeta ɨvɨkuitï oï rami.

1 REYES 5:9

Cherembiokuai reta güɨrogüeyɨta Líbano güi ɨguasu jembeɨ pe, jare joko güi amondoukata oyeokua reve, nde remombeu chevea pe. Joko pe oyeyorata, jare nde joko güi rerajata jókuae ɨvɨra. Jare nde eyapo vi che aipota vae, remee vaerä tembíu chero pegua reta pe.”

JOB 12:13

Tumpa ko yarakuaa vae jare imbaepuere vae, jae oyemongeta oyapo vaerä vae, oyapo.

JOB 12:16

Jae ko imbaepuere vae jare yarakuaa vae, ipo pe ko oï mbae oyavɨ vae, jare mbae oyavɨuka ïru pe vae.

JOB 27:3

jae omee ramboeve cheve aikove aiko vaerä,

JOB 33:16

Jayave ko Tumpa oenduka iñee kuimbae pe, oechauka chupe oyavɨgüe jare okɨɨye,

JOB 33:4

Tumpa ko cheapo, Imbaepuere yae ete vae ko omee tekove cheve.

JOB 35:11

oporomboe mɨmba reta rupi vae, oporomboarakuaa güɨra reta rupi vae.

JOB 38:36

¿Kia pa omee yandeɨvɨte pe arakuaa katu, güɨra reta pe, güɨratï pe ani takareo pe?

PROVERBIOS 2:6

Echa yandeYa ko omee arakuaa katu; mbae yaikuaa vae jare arakuaa katu chugüiño ko ou.

PROVERBIOS 20:27

Tumpa omee iespíritu kuimbae pe vae tembipe ko jete peguarä, jae ko oikuaa kavi yae opaete yandeɨvɨte.

ECLESIASTÉS 2:26

Echa Tumpa ko omee arakuaa katu, yemboe tuichagüe, jare yerovia katu jae ipɨakatu omae jese vae pe; ërei iyoa vae pe omee mbaravɨkɨ, jeta mbae oeka jare omboatɨ vaerä, jaɨkue rupi jae omee vaerä ombopɨakatu vae pe. ¡Kuae mbaeä etei vi, yayemoambekoiño ma ko jese!

ISAÍAS 28:26

Echa Tumpa ko omboe kavi kërai oyapo vaerä.

DANIEL 1:17

Jökorai kuae irundɨ kunumi reta pe Tumpa omee jeta mbae oikuaa reta vaerä jare iyarakuaa katu yae reta vaerä opaete yemboe reta rupi; jare Daniel oikuaa katu opaete mbaɨu reta regua jare Tumpa mbae oechauka vae rupi.

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

1 Corintios 12:8

Echa Espíritu Santo omee metei vae pe imiari vaerä iyarakuaa katu reve. Jare jae vi omee ïru vae pe imiari vaerä oikuaa kavi yae reve.

2 Timoteo 3:16

Opaete Tumpa Iñee oyekuatía oï vae Tumpa ko omombeu, jare ikavi ko yandeve yaporomboe vaerä, yamboeta vaerä, yaporombosɨmbi vaerä, yaporomboe vaerä jupi vae re,

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.