JOB 31:3 - Biblia Guarani Tumpa Iñee

³ ¿Jeko pɨ̈chɨi vae retaä yera osusereta, ani iyoa vae reta?

JOB 31:3 ပူးပေါင်းရင်းမြစ်များ

2 SAMUEL 18:10

Jare oecha vae ojo omombeu Joab pe, jei reve: —Aecha Absalón osavava oï metei ɨvɨra encina re.

JOB 18:12

Yɨmbɨaɨ ombopɨtuta, jare iyɨpɨ pe oïndaivi oï susere.

JOB 20:29

Jae ko kuae Tumpa omokätɨro iyoa vae pe vae; chupeguarä jei kuaekuae.

JOB 21:17

¿Kërai yave pa ogüe jeko pɨ̈chɨi vae jembipe? ¿Kërai yave pa jae reta osusere? ¿Yerae pa Tumpa iyarasɨ ikotɨ reta, jare oiporarauka chupe reta?

JOB 21:30

“Tumpa iyarasɨ yave ombou mbaesusere, jare jeko pɨ̈chɨi vae mbaetɨ maratu oiko”?

JOB 31:23

Che akɨɨye Tumpa iporonupa güi; ngaraa chepuere aropɨa jae oñonogüe.

JOB 34:22

Mbaetɨ ketɨ pɨtumimbía pe, ipuere oñemi mbaeyoa oyapo vae.

SALMOS 55:23

CheRu Tumpa, nde remondota kañɨtei pe jókuae oporoyuka jare iyapu vae, ngaraa kërai ave ɨma oikove oiko, ërei che ndereño ayeko.

SALMOS 73:18

reñono reta iïchɨi yaea pe; reitɨ reta kañɨtei pe.

PROVERBIOS 1:27

ou ma yave peve kɨɨye jare susere, tembiporara jare mbɨatɨtɨ, metei kusumirou opaetei oporomboai rami!

PROVERBIOS 10:29

YandeYa oyangareko jeko kavi vae re, ërei omboai jeko kavimbae.

PROVERBIOS 21:15

Jupi vae oyerovia, jupigüe oyeapo yave; ërei jupimbae, ipɨatɨtɨ yae.

ISAÍAS 28:21

Echa yandeYa oyapota ɨvɨtɨ Perazim pe rami, ɨvɨtɨ päu ipe kavi vae Gabaón pe rami iyarasɨta, oyapo vaerä jembiapo, jembiapo ambuaeyee vae, oyapo vaerä jembiapo yaikuaa rapembae vae.

NÚMEROS 16:30

Ërei ngatu yandeYa oyapo yave mbae ipɨau vae, jare ɨvɨ oyepeka yave, jare opa omókoi yave jekove reve opaete imbaembae ndive, jayave peikuaata kuae kuimbae reta ko güɨröɨro yandeYa vae.

San Mateo 7:13

Peike öke ipɨmii vae rupi. Echa ipɨguasu ko öke jare tape kañɨtei kotɨ ojo vae. Jare jeta vae oike jókuae öke rupi.

Romanos 9:22

Tumpa iyarasɨ ipuere tëi omboyekuaa jare jërakua imbaepuere, ërei güɨropɨa guasu jókuae iyarasɨ kuimbae reta, kañɨtei peguarä vae reta pe,

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

2 Tesalonicenses 1:9

Jae reta oiporara yaeta ko kañɨtei opambae vae pe, yandeYa ombosɨrɨ retata mombɨrɨ iyeugüi jare imbaepuere iyemboetea güi,

2 Pedro 2:1

Ërei Israel pegua reta ipɨte pe oime arakae ñemombeúa jaanga reta, jökorai oimeta pepɨte pe añetembae oporomboe vae reta, jae reta güɨroiketa mboromboe añetembae ikavimbae yae vae, oikuakuta yandeYa jae reta imboasaa; jae reta aeño güeruta iyeupe reta jarembae Tumpa iyarasɨ.

Judas 1:7

Jaeramiño vi Tumpa oiporarauka Sodoma jare Gomorra jare iyɨvɨrigua tëta guasu reta pe. Echa joko pegua reta oyapo aguasa jare kuimbae reta oyogüɨreko oyoupii. Jáeramo oiporara reta tata opambae oikuaauka vaerä ïru vae reta pe agüɨye vaerä oyapo jae reta oyapo rami.

JUECES 9:53

metei kuña oitɨ jese ita trigo oyeyoso pɨpe vae jare oyoka iñäka.