JOB 3:14 - Biblia Guarani Tumpa Iñee

¹⁴ Mburuvicha guasu reta jare oporomboarakuaa vae reta ndive, omopüa pɨau ye iyeupe o oyemboaigüe vae.

JOB 3:14 ပူးပေါင်းရင်းမြစ်များ

1 REYES 11:43

Jare omano Salomón, jare oñotɨ reta tu David Jëta guasu pe; jare taɨ Roboam oguapɨ jekovia pe mburuvicha guasurä.

1 REYES 2:10

David omano, jare oñotɨ reta iñemuñagüe reta oñeotɨa pe, jëta guasu pe.

JOB 12:17

Tumpa opɨ̈ro arakuaa, oporomboarakuaa vae reta güi, jare mburuvicha oporojäa vae reta güi, opɨ̈ro arakuaa.

JOB 12:18

Jae oyora mburuvicha guasu reta iporoäpɨti, jare oñapɨti tɨmasa pe.

JOB 15:28

Tëta guasu reta oiko pɨpe vae, opata oyemboai, o reta opɨtata ipombae, opɨtata tëtagüeräño.

JOB 30:23

Echa che aikuaa ko chereraja mano kotɨ, opaete oikove vae reta yogüɨraja ñogüɨnoia kotɨ.

SALMOS 49:14

Vecha reta oyereraja mbaeyukaa pe rami, mano pe oyererajauka reta omanogüe reta ñogüɨnoia pe; jare köe yave, jupi vae reta güɨnoita mbaepuere jese reta; jare opata okañɨ chugüi reta oiko kavi vae, omanogüe reta ñogüɨnoia pe ko oikota.

SALMOS 89:48

¿Oime ra kuimbae mbaetɨta omano vae? ¿Oepɨta ra jekove mano imbaepuere güi?

ECLESIASTÉS 8:8

Mbaetɨ kia güɨnoi mbaepuere tekove re oyopia vaerä, mbaetɨ vi kia ave güɨnoi mbaepuere mano re. Mbaetɨ kia ave ipuere ojoyepe kuae mbaesusere güi. Iyoa vae ave, jeko ngaraa güɨroasayepe.

ISAÍAS 14:18

Opaete vae mburuvicha guasu tëtaguasu pegua ñavo oputuu kavi ñogüɨnoi jɨvɨa ae ae pe;

ISAÍAS 22:16

‘¿Mbae pa reyapo kuae pe, ani kia pa oime renoi kuae pe, maera pa reyapo reï kuae tɨvɨa ɨvate mbatee vae ndeyeupe, maera pa reyapo ndeyeupe tɨvɨa ɨ̈vavira re?

ISAÍAS 5:8

¡Peparavete!, pe jekuae güɨrave pegua o peyeupe vae reta, jare jekuae güɨrave pegua ko peyeupe vae reta, opaetei ma pegua. ¿Peño pa pekɨ̈reɨ peiko kuae ɨvɨ pe?

ISAÍAS 58:12

Nerëtaɨgua reta omopüa yeta o oyembosururugüe, o iguapɨka ñɨma yae vae, opaete vae pereenɨita ‘tëta ikësea omopüa ye vae’, ‘o oyembosururugüe omopüa ye vae’.

EZEQUIEL 26:20

Ndererajata ɨ́vɨkotɨ arakae ma omanogüe vae reta ipɨte pe, ndererajata ɨvɨkotɨasɨ arakae ma oyemboai vae reta ipɨte pe, jare reikota omanogüe vae reta yogüɨrekoa pe, agüɨye ye vaerä ma reñemopüa ye ani oime ndeipo reta.