JOB 27:9 - Biblia Guarani Tumpa Iñee

⁹ ¿Oenduta ra isapúkai Tumpa chupe, ou jese tembiporara guasu yave?

JOB 27:9 ပူးပေါင်းရင်းမြစ်များ

SALMOS 109:7

Oñejäauka yave, topɨta teko pe; jare iñee reta toyeapa jese.

SALMOS 18:41

Osapúkai reta tëi, ërei mbaetɨ kia oepɨ; yandeYa ave oenɨi reta tëi, ërei mbaetɨ oendu chupe reta.

SALMOS 18:42

¡Amongúiasɨ reta ɨvɨkúi ɨvɨtu opa güɨroveve vae rami! ¡Apɨ̈ro jese reta, tape rupi tuyuapo re oñepɨ̈ro rami!

SALMOS 66:18

Chepɨa pe anoi yemongeta ikavimbae vae yave, mbaetɨta tëi ko Tumpa oyeapɨsaka cheré.

PROVERBIOS 1:27

ou ma yave peve kɨɨye jare susere, tembiporara jare mbɨatɨtɨ, metei kusumirou opaetei oporomboai rami!

PROVERBIOS 1:28

Jókuae ara chereenɨita, ërei ngaraa aendu peve; chereeka tëita, ërei ngaraa cheväe chupe;

PROVERBIOS 28:9

Tumpa iporookuai mbaetɨ oipota oendu vae, Tumpa güɨröɨrota vi chugüi iyerure.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

San Lucas 13:25

Echa o iya oyokenda ma yave öke, pe reta pepɨtata oka pe. Jayave pembopu tëita öke jare pereta: “OreYa, oreYa, eipea öke oreve.” Ërei jae jeita peve: “Che mbaetɨ pokuaa.”

San Juan 9:31

Yaikuaa kavi ko, Tumpa mbaetɨ oyeapɨsaka iyoa vae reta re. Ërei kia oipoɨu jare oyapo yave Tumpa jemimbota, jae oyeapɨsaka jese.

DEUTERONOMIO 1:45

Jare peyerova peyaeo reve yandeYa jóvai, ërei yandeYa mbaetɨ oendu peñee, mbaetɨ vi oyeapɨsaka peré.

Santiago 4:3

Peyerure tëi, ërei mbaetɨ pemboresive, echa peyerure kaviä. Echa peyerure mbaembae re peiporu vaerä pepɨa jei vae reño.