JOB 27:5 - Biblia Guarani Tumpa Iñee

⁵ Aikove aiko ramboeve, ngaraa ayemboekouka. ¡Ngaraa amaeño pe reta chemboeko!

JOB 27:5 ပူးပေါင်းရင်းမြစ်များ

JOB 13:15

Mase, yepe tëi jae cheyuka, ërei jeseño ko ayekota; aepɨ tai ko cherekove jae jóvai.

JOB 17:9

Jupi vae reta ojota tenonde, ikavi oyapo vae oñemoïruta ipɨ̈rata.

JOB 2:3

Jare yandeYa jei Satanás pe: —¿Remae pa cherembiokuai Job re? Kërai mbaetɨ yé ïru kuimbae kuae ɨvɨ pe jae rami vae, jupi jare jeko sɨmbi vae, oipoɨu chegüi vae jare oyeandu ikavimbae güi vae, yepe nde chemoñera tëi ayapo vaerä ikavimbae vae chupe jekombae reve, ërei jae jekuaeño ipɨ̈rata jeko kavi pe.

JOB 2:9

Jayave jembireko jei chupe: —¿Jekuaeñota pa reñovatu ndereko kavi? ¡Neñeeasɨ Tumpa kotɨ, jare emano!

JOB 29:14

Aiko ayemonde jupi vae pe rami, jare jae cheöva, ñeapevaka jare äka-regua rami cheve isɨmbi aiko vae.

JOB 31:6

Tumpa tachejäa imbaejäaka jupi vae pe, jare jökorai toikuaa cherekombae vae.

JOB 31:7

Apia ra tape isɨmbi vae güi, chemoamɨri ra mbaepotarai, oime ra mbae ambuae oñeväe chepo pe.

JOB 32:1

Kuae mboapɨ kuimbae reta opa ikuérai omboyevɨ ñee Job pe, jae oyembojupi ramo iyeugüi aeño.

JOB 32:2

Jayave Eliú, Baraquel taɨ buzita Ram iñemuña pegua, iyarasɨ Job kotɨ; iyarasɨ echa jae mbaetɨ oyemboeko Tumpa jóvai.

JOB 32:3

Jaeramiño vi iyarasɨ mboapɨ Job ivɨa-ïru reta kotɨ, echa mbaetɨ oväe reta ñee omboyevɨ vaerä Job pe, yepe tëi jae reta ojäa Job.

JOB 33:9

“Ikɨambae ko che, jupi vae ko che, jekombae ko che, jare mbaetɨ oñeväe mbaeyoa cheré.

JOB 42:7

Jare yandeYa opa güire jei kuae ñee reta Job pe, yandeYa jei Elifaz Temán pegua pe: “Chearasɨ ndekotɨ jare jókuae mókoi neïru reta kotɨ; mbaetɨ ramo pemiari chekotɨ jupi rupi cherembiokuai Job rami.

JOB 6:29

Peipoepɨ peregüe, agüɨye peyoa; peyemongeta pɨau ye ayapogüe re.

PROVERBIOS 17:15

Jupimbae ombojupi vae jare jupi vae omboeko vae, yandeYa pe ikaviä yae ko kuae reta.

2 Corintios 1:12

Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

Gálatas 2:11

Ërei Pedro ou yave Antioquía pe, amboeta chupe etei, ikavimbae oyapo vae re.

DEUTERONOMIO 25:1

Oime kia nunga reta oñeapo oyoe yave, toyogüɨraja oporojäa vae reta jóvai, jae reta tombojupi jekombae jare tomboeko reta jeko vae.