JOB 26:14 - Biblia Guarani Tumpa Iñee

¹⁴ Kuae opaete jembiapo reta güi añave oyekuaa vae, mbovɨ yae ko, jókuae yaendu vae, jae ko michi jɨapugüeño. Ërei jɨapu yave imbaepuere, ¿kia pa ipuereta oikuaa?

JOB 26:14 ပူးပေါင်းရင်းမြစ်များ

JOB 36:29

¿Kia pa ipuere oikuaa amapɨtu oñemoai vae re, ani, maera pa jɨapu ara vae?

JOB 37:4

Kuae jaɨkue rupi oyeendu jɨapu, jɨapu täta yae, oyeendu ma yave jɨapu, jae omokïrii.

JOB 37:5

Tumpa iñee jɨapu vae rupi oporomopɨakañɨ yae, oyapo mbae tuicha vae, mbaetɨ yandepuere yaikuaa.

JOB 4:12

Ñee ou oväe cheve, kia ñanemomiari yandeapɨsa pe rami, ayeapea aendu jókuae ñee.

JOB 40:9

¿Nepɨ̈rata yae yera chegüi? ¿Neñee täta yae yera cheñee güi?

JOB 42:5

Aenduse yepi nderegua, ërei añave cheresa ndereecha oï.

SALMOS 139:6

Jókuae arakuaa katu chemopɨakañɨ yae, ¡tuicha yae, mbaetɨ chepuere aikuaa!

SALMOS 145:3

CheYa, ndembaepuere yae ko, jupi ko reyemboeteuka yae vaerä, ndembaepuere roipapa rapeä ko.

SALMOS 29:3

YandeYa iñee oyeendu ɨguasu iárambo, Tumpa iyemboetea vae jɨapu; ¡yandeYa oï ɨguasu reta iárambo!

ECLESIASTÉS 11:5

Mbaetɨ reikuaa kerupi ko ojo ɨvɨtu, ani mbaetɨ vi reikuaa michia kërai ko okuakuaa ichɨ jɨe pe vae; jökorai ko mbaetɨ etei reikuaa Tumpa jembiapo reta regua, jókuae opaete mbaembae iyapoa.

HABACUC 3:4

Jembipe, köe jembipe ou rami, ipo güi overa jembipeasɨ, jökorai omboyekuaa imbaepuere güɨnoi vae.

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

1 SAMUEL 2:10

YandeYa omoamɨrita jovaicho reta, yavaete yaeta ama-tiriri rami. YandeYa ojäata opaete ɨvɨ pegua reta; omeeta mbaepuere jae oiparavo mburuvicharä vae pe jare jae ombotuichata imbaepuere.”