JOB 2:2 - Biblia Guarani Tumpa Iñee

² Jare yandeYa jei Satanás pe: —¿Ketɨ güi pa reyu? Jare Satanás jei yandeYa pe: —Ɨvɨ rupi ayere aguata aikoa kotɨ güi.

JOB 2:2 ပူးပေါင်းရင်းမြစ်များ

GÉNESIS 16:8

jei chupe: —Agar, Sarai jembiokuai. ¿Ketɨ güi pa reyu jare ketɨ pa reo? Agar jei: —Atekuarai ko aiko cheya Sarai güi.

JOB 1:7

Jare yandeYa jei Satanás pe: —¿Ketɨ güi pa reyu? Jare Satanás jei yandeYa pe: —Ɨvɨ rupi ayere aguata aikoa kotɨ güi.

JOB 2:1

Jare ïru ara pe araɨgua reta yogüeru yandeYa jóvai yave, Satanás vi ou jae reta ipɨte pe yandeYa jóvai.

JOB 2:3

Jare yandeYa jei Satanás pe: —¿Remae pa cherembiokuai Job re? Kërai mbaetɨ yé ïru kuimbae kuae ɨvɨ pe jae rami vae, jupi jare jeko sɨmbi vae, oipoɨu chegüi vae jare oyeandu ikavimbae güi vae, yepe nde chemoñera tëi ayapo vaerä ikavimbae vae chupe jekombae reve, ërei jae jekuaeño ipɨ̈rata jeko kavi pe.

San Juan 14:30

Ngaraa ma ɨma chemiari peve. Echa aña kuae ɨvɨ juvicha outa ete ma oväe cheve. Ërei ngaraa ipuere cheré.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.