JOB 2:10 - Biblia Guarani Tumpa Iñee

¹⁰ Jayave jae jei chupe: —Oipotagüe kuña iyarakuaambae reta rami neñee. ¿Kërai pa? ¿Ikavi vaeño pa ñanoita Tumpa güi jare mbaesusere mbaetɨta pa? Opaete kuaekuae rupi, Job mbaetɨ iyoa iñee rupi ave.

JOB 2:10 ပူးပေါင်းရင်းမြစ်များ

GÉNESIS 3:17

Kuimbae pe jei: —Nderembireko iñee re reyeapɨsaka vae jeko pegua, jare reu jókuae ɨvɨra iagüe royókuai tëi agüɨye vaerä reu; jáeramo ndereko pegua ɨvɨ oiporarata cheyepopeyu; reiporara reve rekaruta opaete ara reikove reiko ramboeve.

2 SAMUEL 13:13

Echa, ¿ketɨ pa ajata chemara güi? Jare nde kuae Israel pe ngaraa nerërakua kavi. Romoñera nemiari vaerä mburuvicha guasu ndive, jae ngaraa jäkateɨ cheré ndeve.

2 SAMUEL 19:22

Ërei David jei: —¿Maera pa jökorai peyemongeta cheve Sarvia imembɨraɨe reta? Echa aikuaa aï ye ma ko mburuvicha guasurä kuae ara, jayave mbaetɨta kia omano Israel pe kuae ara.

2 SAMUEL 19:28

Echa yepe tëi opaete cheru jo pegua reta jupi omano vaerä, ërei jeseve nde reparea cheve akaru vaerä ndeɨpɨ pe. ¿Mbae ye pa chepuere aeka ndeve?

2 SAMUEL 24:10

Ërei David opa güire oyapo kuae yepapa, ou jasɨ ipɨa pe kuae oyapogüe, jare oyemombeu Tumpa pe körai: —CheYa, cheyoa ko tuicha ayapo ramboeve kuae. Ërei romoñera añave neɨ̈ro vaerä cheve cheyoa re, echa ayapo ko iyarakuaambae rami.

2 CRÓNICAS 16:9

Echa yandeYa omae opaete ɨvɨ re, jae omborɨ ipɨa jupi rupi oiko chupe vae. ¡Kuae reyapo iyarakuaambae rami! Echa kuae güi tenonde kotɨ oimeta ndekotɨ jeta ñeraro.”

JOB 1:10

Nde etei ko reñova jae, jo jare opaete mbaembae güɨnoi vae, jare iparavɨkɨ re ndeporerekua; jáeramo, imbaembae reta jeta oñemuña ɨvɨ iárambo.

JOB 2:9

Jayave jembireko jei chupe: —¿Jekuaeñota pa reñovatu ndereko kavi? ¡Neñeeasɨ Tumpa kotɨ, jare emano!

SALMOS 39:1

Che jae: “Tayangareko chereko re, agüɨye vaerä cheyoa cheñee rupi, tayeyuruopɨ, jeko kavimbae reta ñogüɨnoi ramboeve cheróvai.”

SALMOS 39:10

Eekɨ chegüi reiporarauka cheve vae; cheyukata ma ndepo reñono cheré vae.

SALMOS 39:9

Chekïrii, mbaetɨ cheñee amoë, echa nde ko opaete mbae reyapo.

SALMOS 59:12

Iyoa reta opaete mbae jei vae jeko pegua, iyembotuicha pe aeño tembipɨɨrä toyeapo, jare iyepopeyu apu rupi vae pe.

PROVERBIOS 9:13

Kuña iyarakuaambae tekorai iyapoa ko, mbaetɨ etei ko yarakuaa.

PROVERBIOS 9:6

Peeya mo ïkotɨa pearakuaambae, jare peikoveta; peiko mo arakuaa katu rupi.”

ECLESIASTÉS 7:14

Ikavi reiko yave, eyekou jókuae reiko kavi ramboeve; ërei mbaetɨ ikavi reiko yave eyemongeta, Tumpa jemimbota ko kuaekuae, kuimbae agüɨye vaerä oikuaa mbae ra ko oasata vae.

LAMENTACIONES 3:37

¿Kia pa ipuere jei, mbae oyeapo vae, yandeYa güiä ko ou vae?

San Mateo 16:23

Ërei Jesús oyerova jei Pedro pe: —Esɨrɨ chegüi, Satanás. Echa reipota chemboavai. Reyemongeta ɨvɨ pegua reta oyemongeta rami, mbaetɨ Tumpa oyemongeta rami.

San Mateo 25:2

Jare pandepo jókuae kuñatai reta güi iyarakuaa, jare ïru pandepo vae reta mbaetɨ iyarakuaa.

San Juan 18:11

Jayave Jesús jei Pedro pe: —Eñono ye ndekɨsepuku jɨru pe. CheRu omee aiporara vaerä vae, aiporara ñotai ko.

Romanos 12:12

Peäro yandeYa peyerovia katu reve. Pepɨaguasu peiporara yave. Peyerure avei Tumpa pe.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 3:2

Echa opaete yande reta yayavɨñoi ko. Oime yave kia mbaetɨ oyavɨ iñee rupi vae, jae ko jupi vae, güɨnoi ko mbaepuere opaete jete re.

1 SAMUEL 3:18

Jare Samuel omombeu chupe opaete, oikuakumbae reve mbae. Jayave Elí jei: —¡YandeYa ko! ¡Toyapo jaekavi chupe vae!