JOB 14:1 - Biblia Guarani Tumpa Iñee

¹ Kuña imembɨ, mbaetɨ ɨma oiko, jare oiporara yae.

JOB 14:1 ပူးပေါင်းရင်းမြစ်များ

GÉNESIS 3:17

Kuimbae pe jei: —Nderembireko iñee re reyeapɨsaka vae jeko pegua, jare reu jókuae ɨvɨra iagüe royókuai tëi agüɨye vaerä reu; jáeramo ndereko pegua ɨvɨ oiporarata cheyepopeyu; reiporara reve rekaruta opaete ara reikove reiko ramboeve.

GÉNESIS 47:9

Jacob jei chupe: —Anoi ma ciento treinta año oipota rupi aguata vae, mbovɨ yae jare mbaetɨ ikavi ara reta cherekove pe, jare ndeiño aupitɨ cheñemuñagüe reta yogüɨreko rami.

2 REYES 4:19

omboɨpɨ jäse tu pe: —¡Achaɨ, cheäka jasɨ! ¡Cheäka jasɨ! Jayave tu jei jembiokuai pe: —Eraja ichɨ pɨri.

JOB 10:20

¿Mbovɨñoä yera cheara reta aikove aiko vaerä? ¡Emaeño mo cheré, tachepɨakatu michi raɨ pegua yepe!

JOB 15:14

¿Ikɨambae pa kuimbae Tumpa jóvai, ipuere pa kuimbae oyembojupi?

JOB 25:4

¿Kërai pa kuimbae ipuere oyembojupi Tumpa peguarä? ¿Këraita pa kuimbae oyetɨo opɨta jekombae Tumpa jóvai?

JOB 25:5

Tumpa pe yasɨ ave mbaetɨ jembipe, yasɨtata reta jaeramiño vi.

JOB 5:7

Kuimbae jeko pegua ko oime tembiporara, tatapiriri oyeapo tata güi rami.

JOB 7:1

Kuimbae oiko kuae ɨvɨ pe yemoambeko rupi oiko vaerä, ara ñavo iparavɨkɨ jepɨ chupe oikoasɨ katu rami.

JOB 7:6

Cheara reta iñäkua yae mbaepɨaa oñeësɨvo pɨpe vae güi, jare oasa mbaetɨ reve cheräro.

JOB 8:9

Echa yande reta ko karumboegua, mbaetɨ etei mbae yaikuaa, yandeara reta kuae ɨvɨ pe küaraɨa oasa vae ramiño ko.

JOB 9:25

Jarembae yae ara reta oasa chegüi, oasa jarembae, mbaetɨ reve aecha ikavi vae.

SALMOS 39:5

Remee cheve mbovɨ araño aikove aiko vaerä, cherekove mbaeä etei ko ndeve, ¡añetete opaete kuimbae oikove vae mbaeä etei ko!

SALMOS 39:6

¡Añetete opaete kuimbae oasa küaraɨa ramiño! Añetete oyemoambekoiño ma, omboatɨ mbatee mbaeyekou vae, mbaetɨ oikuaa kia imbaerä ko vae.

SALMOS 51:5

Mase, ikavimbae pe akuakuaa, iyoa vae ko che chesɨ jɨe peve.

SALMOS 89:47

Nemaendúa, ngaraa ko ɨma aikove aiko; ¿maera ra reyapoiño kuimbae?

ECLESIASTÉS 2:17

Jáeramo, aröɨro tekove, echa opaete kuae ɨvɨ pe oyeapo vae ikaviä etei cheve. Echa opaete kuae reta mbaeä etei ko, ¡yayemoambekoiño ma ko jese!

ECLESIASTÉS 2:23

Echa opaete ara oikove oiko ramboeve oiporara, iparavɨkɨ rupi oyemoambeko yae; pɨ̈tu yave ave mbaetɨ oputuu kavi oyemongeta güi. ¡Kuae mbaeä etei vi!

JEREMÍAS 20:18

¿Maera ra aë chesɨ jɨe güi, aecha vaerä jasɨ katu vae jare mbɨatɨtɨ, amano regua ñemomarai pe?

San Mateo 11:11

Añete che jae peve, opaete kuimbae reta güi mbaetɨi kia nunga vae oyapɨraa Juan oporombobautisa vae. Ërei ngatu taɨkuegua yae araɨgua mborookuaía pe vae tuicha yaeta chugüi.