JOB 12:7 - Biblia Guarani Tumpa Iñee

⁷ Eparandu añave mɨmba reta pe, jae reta tandemboe, güɨra reta pe, jae reta toechauka kavi ndeve.

JOB 12:7 ပူးပေါင်းရင်းမြစ်များ

GÉNESIS 1:21

Jare Tumpa oyapo mbaemɨmba tuichagüe ɨ rupigua reta. Jare opaete oikove vae jare omɨi vae, ɨ omoñemuña opaete ambuaeyee metei ñavo ñavo ïru reta güi vae. Jaeramiño vi opaete güɨra ambuaeyee ye oyougüi vae. Jare oecha ikavi yae ko.

GÉNESIS 1:25

Körai Tumpa oyapo opaete kuae mɨmba reta. Jare oecha ikavi yae ko.

JOB 12:6

Imonda vae reta oiko kavi avei, Tumpa omboarasɨuka vae reta mbaetɨ maratu yogüɨreko, ërei Tumpa ko omee chupe reta, opaete mbaembae güɨnoi reta vae.

JOB 12:8

Ani, emomiari ɨvɨ, jae tandemboe, jevae ɨ rupigua reta pe, jae reta vi tomombeu kavi ndeve.

JOB 8:10

Ërei ñaneñemuñagüe reta ipuere imiari ndeve jare ndemboe jeta mbaembae re.

PROVERBIOS 30:24

Oime irundɨ mbae michi yae vae kuae ɨvɨ pe, iyarakuaa katu yae kuimbae reta iyarakuaa katu güi vae; jae ko:

PROVERBIOS 6:6

Iyakɨ vae, emae tasɨ reta re, emae iparavɨkɨ re jare ndearakuaa ndeyeupe:

ISAÍAS 1:3

Güeye oikuaa iya, jare mburika oikuaa ikarúa rɨru iya imbae; ërei Israel tëta chembae vae mbaetɨ chekuaa jare mbaetɨ yarakuaa.”

JEREMÍAS 8:7

Güɨratï oikuaa ketɨ ojo vaerä iara pe. Pɨkasui jare tapérai ani ärakua oikuaa kërai yave ojo vaerä ïkotɨa. Ërei nde tëta chembae, mbaetɨ reikuaa cheporookuai reta.

Romanos 1:20

Echa jae oyekuaambae vae jare imbaepuere opambae vae, jare jae ko Tumpa vae, oyekuaa kavi yae ɨvɨ oyeapo güive. Ɨvɨ pegua reta oikuaa opaete mbaembae Tumpa oyapo vae rupi. Jáeramo mbaetɨ metei ave ipuere jei: “Mbaetɨ ko aikuaa.”