JOB 11:8 - Biblia Guarani Tumpa Iñee

⁸ Ɨvate yae ko ara güi, ngaraa mbae ndepuere reyapo; kɨ̈pe yae ko omanogüe reta ñogüɨnoia güi, ngaraa ndepuere reikuaa.

JOB 11:8 ပူးပေါင်းရင်းမြစ်များ

2 CRÓNICAS 6:18

Ërei, ¿añetete ra ko Tumpa oikota kuimbae reta ipɨte pe ɨvɨ pe? Mase, ara reta viña pa ipɨguasuä ndeve, ¡vɨtei pa kuae tupao che amopüagüe!

JOB 11:9

Ipɨguasugüe, ipɨguasu yae ko ɨvɨ güi, jare oasa ipɨguasu, ɨguasu ipɨguasugüe güi.

JOB 22:12

Tumpa oï ɨvate yae ara pe; yasɨtata reta ɨvate yae ñogüɨnoi vae opɨta jae ipɨ igüɨ pe.

JOB 26:6

Omanogüe vae reta ñogüɨnoia oyepea oï Tumpa jóvai, oporomokañɨtei vae Abadón mbaetɨ ipuere oñomi chugüi.

JOB 35:5

Emae ara reta re, emae kavi jese, mombɨrɨ opɨta amapɨtu reta ndegüi.

JOB 37:23

Imbaepuere yae ete vae regua mbaetɨ yandepuere opa yaikuaa, jae ko tuicha imbaepuere pe vae jare jupi vae; jae mbaetɨ oporogüɨrekoasɨ katu.

JOB 38:17

¿Oyeechauka pa ndeve mano jöke, reecha pa mano jöke reta iä?

JOB 7:9

Amapɨtu opa oyemboai jare okañɨ, jökorai omanogüe reta ñogüɨnoia pe ojo vae, ngaraa ma oë ye.

SALMOS 103:11

echa ara ipɨguasu yae rami ko tuicha iporoparareko, chugüi oipoɨu vae reta kotɨ.

SALMOS 148:13

¡Pemboete yandeYa jee, echa jae jeeño ko tuicha yae vae! ¡Iyemboetea tuicha yae, oyapɨraa opaete ara jare ɨvɨ!

SALMOS 36:6

Ndembaejupi ndeɨvɨtɨ guasu rami ko; neporojäa reta ɨguasu tɨpɨ yae vae rami, cheYa Tumpa, nde reñovatu kuimbae jare mɨmba.

PROVERBIOS 30:4

¿Kia pa oyeupi ara kotɨ jare ogüeyɨ ye? ¿Kia pa ipuere oipɨɨ ɨvɨtu? ¿Kia pa ipuere ɨ oyapɨkua? ¿Kia pa opa oñono kavi ɨvɨ jembeɨ reta? ¿Mbae pa jee, jare mbae pa taɨ jee? ¡Ere cheve reikuaa yave!

ISAÍAS 55:9

Ara ɨvate yae ko ɨvɨ güi, jökorai ko cherape reta ɨvate yae perape reta güi, jare cheyemongeta reta peyemongeta reta güi.”

AMÓS 9:2

Yepe mona oike reta tëi matɨ ɨvɨgüɨ kotɨ, joko güi ko anoeta; yepe mona oyeupi tëi ara kotɨ, joko güi ambogüeyɨta.