JOB 11:6 - Biblia Guarani Tumpa Iñee

⁶ Jare omombeu ndeve yaikuaa rapembae vae, arakuaa katu regua, echa jókuae arakuaa katu oyapɨraa ye ko mbaeyekou reta jepɨ yae vae. Jayave reikuaata Tumpa mbaetɨ ko oiporarauka ndeve mbaeyoa reyapo rami etei.

JOB 11:6 ပူးပေါင်းရင်းမြစ်များ

ESDRAS 9:13

Ërei opaete kuae mbaembae oasa ore ndive orereko ikavimbae jeko pegua, jare oreyoa yae jeko pegua, nde oreTumpa mbaetɨ reiporarauka oreve orereko kavimbae rupi etei, remaeño mbovɨ roikove vaerä.

JOB 11:5

Ërei, ¡Tumpa etei mona imiari, jare omboyevɨ ndeve!

JOB 12:13

Tumpa ko yarakuaa vae jare imbaepuere vae, jae oyemongeta oyapo vaerä vae, oyapo.

JOB 15:11

¿Mbaetɨ pa jaekavi ndeve Tumpa etei ndembopɨakatu vae, jare ñee yeaeä rupi jei ndeve vae?

JOB 15:5

Echa remombeu jupimbae reiko vae, jare reiporu yarakuaambae vae reta iñee.

JOB 15:8

¿Reikuaa pa Tumpa oyemongeta oyapo vaerä vae, ani reyererovia pa ndeño jae yarakuaa katu yae vae?

JOB 22:5

Echa jeta yae ikavimbae reyapo, jeta yae ndeyoa.

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

JOB 33:12

Ërei kuae rere vae mbaetɨ ko jupi, echa Tumpa tuicha ko iyemongeta pe kuimbae güi.

JOB 9:4

Jae iyarakuaa katu yae vae ko, jare imbaepuere yae vae ko, ¿kia pa omotäta ipɨa Tumpa kotɨ yave, oë kavi?

SALMOS 103:10

mbaetɨ vi oiporarauka yandeve, yandeyoa reta jare ikavimbae vae yayapogüe oï rupi;

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

LAMENTACIONES 3:22

YandeYa iporoparareko jeko pegua mbaetɨ opa ñakañɨtei, echa mbaetɨi opa iporoparareko.

DANIEL 2:28

Ërei oime metei Tumpa ara pe, jae oechauka yaikuaambae vae, jae ko oikuaauka nde mburuvicha guasu Nabucodonosor pe mbaembae ko oasata kuri vae. Mase, kuae ko jae ndepaɨu, nderupa pe reï yave reecha vae reta.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

San Mateo 13:35

oyembopo vaerä ñeemombeúa jei vae. Echa jei körai: “Chemiarita ambojaanga reve. Amombeuta ɨvɨ oyeapo güive oyekuaambae vae.”

Efesios 3:5

jókuae tenonde yave rupi mbaetɨ kuimbae reta oikuaa vae, ërei añave Tumpa oikuaauka temimondo oñono tee iyeupeguarä vae reta pe jare iñeemombeúa reta pe Espíritu rupi.

DEUTERONOMIO 29:29

Opaete mbaembae yaikuaambae, yandeYa Tumpaño ko oikuaa; ërei oikuaauka vae yandeveguarä ko jare yanderaɨ reta peguarä ko, jekuae avei pegua, yayapo vaerä opaete ñee reta kuae mborookuai pe oyekuatía oï vae.