JOB 11:19 - Biblia Guarani Tumpa Iñee

¹⁹ Reyapakua yave, ngaraa kia nemongɨɨye, jeta yogüeruta oeka ndeve ndeporomborɨ vae.

JOB 11:19 ပူးပေါင်းရင်းမြစ်များ

2 CRÓNICAS 20:30

Jare jökorai Josafat oiko mburuvicha guasurä yave oime mbɨakatu, echa iTumpa omee chupe güɨnoi vaerä mbɨakatu opaete tëta iyɨvɨrigua reta ndive.

JOB 11:18

Reyererovia katuta, echa oime neräro mbae ikavi vae, remaeta ndeɨ́vɨri, jare reke pɨagüiveta.

SALMOS 127:2

Oparavɨkɨ vae oparavɨkɨiño ma ko ndeimboveasɨ güive kaaruasɨ regua jare jasɨ katu reve oväe jembiurä, echa Tumpa oaɨu vae pe, jae omee oke ipɨagüive vaerä.

SALMOS 4:8

Mbɨakatu reve ayapakuata jare jökorai aketa, echa ndeño cheYa, remee aiko pɨagüive.

SALMOS 45:12

Tëta Tiro pegua kuña reta yogüeruta mbota ndive, nemoñerata mboroparareko re oikokatu yae vae reta.

PROVERBIOS 19:6

Ipɨakavi vae, jekaa yae, jäkateɨmbae re, ovɨa yae vae ko.

PROVERBIOS 3:24

Reputuu reï yave, ngaraa reyeandu reve reï; reyapakuaa yave, reke pɨagüiveta.

ISAÍAS 17:2

Oyemombo eteta opɨta, tëta guasu Aroer iyɨvɨrigua reta ndive, mɨmba ikaruaräño opɨtata, jokoropi oke retata, mbaetɨta kia oiämondo vae.

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

EZEQUIEL 34:28

Tëtaguasu reta ketɨgua ngaraa ma oyemombae ye jese reta, mbaeporou reta ñana rupi ave ngaraa ma jou; yogüɨreko pɨagüiveta, ngaraa ma kia omongɨɨye.

LEVÍTICO 26:6

Jare che ameeta mbɨakatu peve peɨvɨ pe, jare peke pɨagüiveta, ngaraa oime peiämondo vae; opata aekɨuka peɨvɨ güi mɨmba pochɨ vae reta ñana rupigua, jare ngaraa etei oime ñeraro peɨvɨ pe.

MIQUEAS 4:4

Metei ñavo vae oguapɨta jemitɨ uva jare ɨva igüɨ pe, jare ngaraa ye ma kia omongɨɨye. ¡Echa yandeYa Imbaepuere yae ete vae ko jökorai jei!

SOFONÍAS 3:13

Israel iñemuña jembɨregüe reta ngaraa ma oyapo jupimbae vae, ngaraa ma jei reta apu, jare ngaraa ma oporombotavɨ reta. Echa oyeangareko retata jare oke pɨagüiveta ngaraa ma kia omongɨɨye vae.”

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.