JOB 10:21 - Biblia Guarani Tumpa Iñee

²¹ Ndei aja mbove, ayu yembae vaerä; ɨvɨ pɨtumimbía pe.

JOB 10:21 ပူးပေါင်းရင်းမြစ်များ

2 SAMUEL 12:23

Ërei añave omano ma ko. ¿Mbaera ye pa ayekuakuta tembíu güi? ¿Chepuere pa amboyerova ye? ¡Che ajata ikotɨ, jae ngaraa ma oyerova ye chekotɨ!

2 SAMUEL 14:14

Echa opaete vae ñamano ñotai ko, ɨvɨ pe ɨ oyepɨyere vae rami ko yande reta, mbaetɨ yandepuere yaupi ye ɨvɨ güi. Tumpa mbaetɨ vi oekɨiño tekove, jae oñono mbaembae kuae ɨvɨ güi otekuarai vae agüɨye mo vaerä oyembosɨrɨ ete chugüi.

JOB 10:22

Mbaetɨ mbae ikavi joko pe, pɨtumimbi oñova tembipe pe.

JOB 16:22

Ërei outa cheara reta iyapɨ, jare che ajata tape yayu yembae vae rupi.

JOB 17:13

¿Mbae ye pa aärota? Omanogüe reta ñogüɨnoia ko jae chero, ayapo kavita cheruparä pɨtumimbía pe.

JOB 3:13

Jökorai yave amanota tëi ko aï añave, jare aputuuta tëi ko aï; aketa tëi jare aputuuta aï tëi.

JOB 3:5

¡Maera ra pɨtumimbi reta omopɨ̈chɨiä jókuae ara, jare amapɨtu jüu vae oñovaä jókuae ara, pɨtumimbi yavaetegüe omboavaeteä jókuae ara!

JOB 34:22

Mbaetɨ ketɨ pɨtumimbía pe, ipuere oñemi mbaeyoa oyapo vae.

JOB 38:17

¿Oyeechauka pa ndeve mano jöke, reecha pa mano jöke reta iä?

SALMOS 23:4

Yepe tëi aguata ɨvɨtɨ päu ñamano rape katúa rupi, ërei ngaraa akɨɨye mbae nunga ikavimbae güi, echa nde reïta che ndive; ndeɨvɨra jare ndepopoka chemoäta ngatuta.

SALMOS 39:13

Emaeño mo cheré, tachepɨ̈rata ye, ndei amano mbove.”

SALMOS 49:20

Ërei kuimbae imboetea yae re oyekou vae, mbaetɨ oikuaa yave, mɨmba reta ramiño vi ko okañɨtei.

SALMOS 88:13

CheYa Tumpa, ërei che ayerure chepɨatɨtɨ reve ndeve; ndeimbove yave ayerure ndeve.

SALMOS 88:6

Chemondo ɨvɨkua guasu pe, pɨtumimbi yaea jugua pe.

ECLESIASTÉS 11:8

ërei yepe tëi amogüe oikopuku, oyerovia avei opaete ara oiko ramboeve; ërei eikuaa voi eï, pɨtumimbi ko ɨma yae eteta, jare opaete mbaembae oikota vae mbaeä etei ko.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

ISAÍAS 38:11

Che jae: Mbaetɨ yeta ma aecha cheYa, mbaetɨ yeta ma aecha cheYa kuae ɨvɨ pe, mbaetɨ yeta ma aecha kuae ɨvɨ pegua reta.

JEREMÍAS 2:6

Mbaetɨ oparandu reta: ‘¿Ketɨ pa oime oï yandeYa, jókuae ñanerenoe ɨvɨ Egipto güi vae, yandereroata ñuu ipombaea rupi vae, ɨvɨ otini vae rupi, ñamano rape katu jupi vae rupi, mbaetɨ ɨ vae rupi, ɨvɨ mbaetɨ kia ave oiko pɨpe vae rupi ani oguata yepe jupi vae rupi?’