JOB 10:14 - Biblia Guarani Tumpa Iñee

¹⁴ Jae ko, cheyoa yave, nde remae reï cheyoa re, jare mbaetɨ neɨ̈ro cheve kërai yepe.

JOB 10:14 ပူးပေါင်းရင်းမြစ်များ

JOB 14:16

Jayave, nde reikuaata opaete cheguata re, ngaraa nemaendúa cheyoa reta re.

JOB 33:9

“Ikɨambae ko che, jupi vae ko che, jekombae ko che, jare mbaetɨ oñeväe mbaeyoa cheré.

JOB 34:22

Mbaetɨ ketɨ pɨtumimbía pe, ipuere oñemi mbaeyoa oyapo vae.

JOB 7:20

Cheyoa yave, ¿mbae ikavimbae pa ayapo ndeve, kuimbae reta iYangarekoa? ¿Maera pa cheñono mbae reyembokuaakatu jese vae rami? ¿Mbae pe pa romboavai?

JOB 7:21

¿Maera pa mbaetɨ reekɨ chegüi chepɨa pochɨ? ¿Mbaetɨ pa ndepuere neɨ̈ro cheve cheyoa re? Jarembae amanota ete ma, pɨareve chereeka yave, mbaetɨta ma aiko.

JOB 9:28

Ërei jeieteño chemboandeko opaete mbae jasɨ reta, aikuaa ngaraa omae cheré jekombae.

SALMOS 130:3

CheYa, remae mbaeyoa reta yave, ¿kia pa ipuereta oï nderóvai?

SALMOS 139:1

CheYa Tumpa, nde remae kavi cheré, jare chekuaa;

SALMOS 90:8

Oreyoa reñono nderesa róvai, royapo vɨarigüe reñono nderesa róvai.

ÉXODO 34:7

Jeta ñemuña reta re iporoparareko vae, iñɨ̈ro ikavimbae iyapoa pe, ipɨarai vae pe, mbaeyoa iyapoa pe, ërei mbaetɨ oeya jekombae rami mbae pɨ̈chɨi iyapoa, echa ko iñemuñagüe reta imbaeyavɨ oiporarata taɨ reta, jɨmɨmino reta, jɨmɨmino taɨ reta jare jɨmɨmino reta jɨmɨmino.

JEREMÍAS 16:17

Echa opaete jeko reta aecha; mbaetɨ etei oñemi chegüi vae, iyoa reta ave mbaetɨ ipuere oñemi chegüi.

NÚMEROS 14:18

Tumpa mbaetɨ iyarasɨ raivi, jare tuicha yae iporoparareko, mbaeyoa jare pɨapochɨ re iñɨ̈ro, ërei jeko vae mbaetɨ oeya jökoraiño; jare oitɨ iyarasɨ tenondegua reta iyoa jeko pegua taɨ reta re, jare jɨmɨmino reta re, jɨmɨmino reta jɨmɨmino yoapɨ ye re.