JOB 1:5 - Biblia Guarani Tumpa Iñee

⁵ Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

JOB 1:5 ပူးပေါင်းရင်းမြစ်များ

GÉNESIS 22:3

Jayave, pɨareve pe ndeimboveasɨ Abraham opüa oyupavo, oyokua imburika jare güɨraja vi mókoi jembiokuai reta jupíe jare vi taɨ Isaac; jare oyasɨa yepea mɨmba oyeyukagüe opaetei oyeapɨ vae oapɨ vaerä, jare opüa ojo Tumpa jei chupea kotɨ.

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

GÉNESIS 8:20

Noé omopüa mɨmba oyeyuka oyeapɨ jese vae yandeYa peguarä, jare oipɨɨ mɨmba oyeu vae ñavo güi, güɨra oyeu vae ñavo güi, oyuka omee opaetei oyeapɨ vae Tumpa pe.

1 REYES 18:31

Jare Elías oipɨɨ doce ita, Jacob taɨ reta iyavei, jókuae yandeYa jei chupe: “Ndereeta Israel” vae,

1 REYES 21:10

Javoi peñono jóvai mókoi kuimbae ipɨapochɨ vae yapu reve oporomboeko vae, imiari reta vaerä ikotɨ, jei reve: ‘Nde rere ñee ikavimbae Tumpa kotɨ jare mburuvicha guasu kotɨ.’ Javoi penoe ikatu pe peyapi ita pe, jökorai tomano.”

1 REYES 21:13

Jayave yogüeru jókuae mókoi ipɨapochɨ vae, jare imiari reta Nabot kotɨ opaete vae reta jóvai jei reta reve: “Nabot jei ñee ikavimbae Tumpa kotɨ jare mburuvicha guasu kotɨ.” Jayave güɨnoe reta ikatu pe jare oyapi reta ita pe oyuka.

NEHEMÍAS 12:30

Jayave oyetɨo Tumpa jóvai sacerdote reta jare levita reta. Javoi oitɨo reta vi opaete vae reta Tumpa jóvai, jaeramiño vi öke reta jare tëta guasu ikësea.

JOB 1:11

Ërei yaecha añave epoko opaete mbaembae reta güɨnoi vae re, jare reechata mbaetɨta ra ndeangao nderova pe etei vae.

JOB 1:4

Jare taɨ reta oyomboatɨ avei jëta ñavo pe oyapo arete, ara oiparavo oyoupe vae ñavo pe; jare omondo reta oenɨiuka mboapɨ reve jeindɨ reta, okaru jare jou vaerä vino jae reta ndive.

JOB 2:9

Jayave jembireko jei chupe: —¿Jekuaeñota pa reñovatu ndereko kavi? ¡Neñeeasɨ Tumpa kotɨ, jare emano!

JOB 27:10

¿Oyeroviata ra Imbaepuere yae ete vae re? ¿Omboete pɨi pɨita ra?

JOB 41:25

Opüa yave, imbaepuere vae reta okɨɨye jare okɨɨye güi, otekuarai reta chugüi.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

JOB 6:14

Kia oiporara yave, ivɨa-ïru ombopɨakatu, mbaetɨ jókuae oyapo vae, Imbaepuere yae vae güi ko oipoɨuä.

JOB 8:4

Nderaɨ reta iyoa ko Tumpa kotɨ yave, jae opa oyuka iyoa re.

SALMOS 5:3

CheYa Tumpa, ndeimbove yave eendu cheñee, ndeimbove yave añeñono nderóvai jare aäro.

ÉXODO 18:12

Jare Jetro, Moisés jovaya omee mɨmba oyeyukagüe opaetei oyeapɨ vae jare mɨmba oyeyukagüe Tumpa peguarä. Javoi Aarón jare opaete Israel iñemuña itenondegua reta ndive yogüeru okaru vaerä Moisés jovaya ndive Tumpa jóvai.

ÉXODO 19:10

jare yandeYa jei Moisés pe: —Ekua emboyupavo jare toñeñono tee reta, añave jare pɨareve; toputuka reta jemimonde,

ÉXODO 24:5

Omondo Israel iñemuña reta güi, taɨrusu vae reta omee vaerä yandeYa pe mɨmba reta oyeyukagüe opaetei oyeapɨ vae jare toro taɨrusu vae reta, mɨmba oyeyukagüe mbɨakatu pegua.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

JEREMÍAS 4:14

Jerusalén, ndepɨa eitɨo ikavimbae güi reasayepe vaerä, ¿kërai yave regua pa remaeñota oiko, yemongeta ikavimbae ndepɨa pe?

EZEQUIEL 14:14

Ërei jókuae ɨvɨ pe yogüɨreko yave Noé, Daniel jare Job, jae retaño ko oasayepeta jupi yogüɨreko ramo. Che ndeYa Tumpa ko jae kuae.

San Lucas 1:75

ñañeñono tee reve jare jupi rupi, jae jóvai opaete ara yaikove yaiko ramboeve.

San Lucas 18:7

Ërei Tumpa, ¿Ngaraa pa oepɨ jembiparavo reta ara rupi jare pɨ̈tu rupi oyerure chupe vae? ¿Ipɨaguasuta ra oepɨ vaerä?

San Juan 11:55

Jare köiño ma ou judío reta iarete Pascua, jare joko güi jeta judío reta yogüɨraja Jerusalén pe ndei Pascua mbove, oyetɨo reta vaerä Tumpa jóvai arete peguarä.

Hechos 21:26

Jayave Pablo güɨraja jókuae kuimbae reta jupíe, jare pɨareve pe oyetɨo Tumpa jóvai mborookuai jei rami jae reta ndive, javoi oike tupao pe omombeu mbae ara pe opata oyeyoe vae. Echa jókuae ara metei ñavo omeeta mbota.

Hechos 8:22

Eeya kuae ndeyemongeta ikavimbae, jare eyerure Tumpa pe. Güɨramoi iñɨ̈rota ndeve kuae ndepɨa pe reyemongeta vae re.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Corintios 11:2

Cherägüɨro peré, Tumpa jägüɨro rami. Echa pomee ma Cristo pe imenda ïrurä, poñono vaerä jóvai metei kuñatai ndeiño etei oasa kuimbae ndive vae rami.

Efesios 6:18

Peyerure avei, pemoñera Tumpa Espíritu rupi. Peyerure avei agüɨye vaerä pekuérai. Jekuaeño peyerure Tumpa pe opaete oporogüɨrovia vae reta re;

1 SAMUEL 16:5

Jae jei: —Jökorai ko. Ayu ko amee mɨmba oyeyukagüe yandeYa pe; peñeñono tee jare peyu che ndive mɨmba oyeyuka oñemee yandeYa pea pe. Javoi Samuel oñono tee Isaí jare taɨ reta, jare oparea chupe reta yogüɨraja vaerä mɨmba oyeyukagüe oñemee yandeYa pea pe.