JOB 1:20 - Biblia Guarani Tumpa Iñee

²⁰ Jayave Job opüa jare omondoro jemimonde jare opaetei oñeapiasɨ ipɨatɨtɨ güi, jare oyetavatɨka itindɨasɨ ɨvɨ re jare omboete Tumpa,

JOB 1:20 ပူးပေါင်းရင်းမြစ်များ

GÉNESIS 37:29

Jaɨkue rupi Rubén ojo ye omae ɨvɨkua re, jare oecha José mbaetɨ ma oï pɨpe yave omondoro jemimonde ipɨatɨtɨ güi.

GÉNESIS 37:34

Jayave Jacob omondoro jemimonde, jare oyemonde temimonde mbɨatɨtɨ pegua pe, jökorai ipɨatɨtɨ oiko ɨma ara rupi taɨ re.

2 REYES 2:12

Kuae oecha Eliseo yave, osapúkai: “¡Cheru, cheru, nde reiko ɨvɨ Israel peguarä sundaro reta imbaepuere yae vae rami!” Jare mbaetɨ ye ma oecha. Jayave Eliseo oipɨɨ jemimonde omondoro mókoi yemboyao pe.

2 CRÓNICAS 7:3

Jare Israel iñemuña reta oecha yave ou tata jare yandeYa iyemboetea tupao guasu re, oyetavatɨka reta itindɨasɨ piso re omboete reta jare omee reta yasoropai yandeYa pe, jei reta reve: “Echa jae ipɨakavi jare iporoparareko jekuae avei.”

ESDRAS 9:3

Aendu kuae yave, amondoro cheremimonde jare cheñeapevaka chepɨatɨtɨ güi, amondoro chea jare cherendɨvaa, jare aguapɨ chepɨatɨtɨ yae reve.

JOB 1:19

jare ou ɨvɨtuai täta yae vae ñuu kotɨ güi, jare omokana irundɨ reve okɨta reta jare oitɨ taɨrusu vae reta re, jare opa omano reta; jare cheño etei aasayepe ayu vaerä chemiari ndeve.

JOB 2:12

Kuae reta, mombɨrɨ güive omopüa iñäka omae, ërei mbaetɨ oikuaa reta, jare jäse oyaeo reta; jare metei ñavo vae omondoro jemimonde ipɨatɨtɨ güi, jare mboapɨ reve omoai reta ɨvɨkúi ara kotɨ iñäka iárambo, omboyekuaa ipɨatɨtɨ.

ÉXODO 4:31

Jare opaete vae güɨrovia; oendu reta yandeYa ou ko Israel iñemuña reta omborɨ vae, jare oikuaa reta Tumpa oecha kërai oiporara yae reta ko vae yave, itɨndɨ reta omboete.

JEREMÍAS 7:29

¡Jerusalén, eyasɨa ndea, javoi emombo! ¡Etairari tairari mbɨatɨtɨ pegua pe ɨvɨtɨ jaambae re! Echa yandeYa iyarasɨ yae oï tëta jae imbae vae kotɨ, güɨröɨro jare oeya.

JOEL 2:13

Peyembopɨatɨtɨ, agüɨye pemondoroiño peremimonde; peyerova ye yandeYa Tumpa kotɨ; echa iporoparareko yae vae ko jae jare iyeaeä vae ko, mbaetɨ iyarasɨ raivi vae ko, tuicha yae mboroparareko pe, ñenupa oeyaño vae ko.

San Mateo 26:39

Jayave Jesús osɨrɨ katu chugüi reta, jare oyetavatɨka itindɨasɨ ɨvɨ re jare oyerure, jei reve: “CheRu, nde reipota yave, emboasa chegüi kuae aiporarata vae. Ërei toyeapo cheve nde rere vae. Agüɨye toyeapo che jae vae.”

DEUTERONOMIO 9:18

Javoi ayetavatɨka yandeYa jóvai tenonde yave rami, cuarenta ara jare cuarenta pɨ̈tu akarumbae jare aɨumbae, pe reta peyoa pemboarasɨuka yandeYa jeko pegua.

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.

1 Pedro 5:6

Jáeramo, peñemomichi Tumpa imbaepuere tuicha yae vae jóvai, jae pembotuicha vaerä ara oväe yave.