JOB 1:19 - Biblia Guarani Tumpa Iñee

¹⁹ jare ou ɨvɨtuai täta yae vae ñuu kotɨ güi, jare omokana irundɨ reve okɨta reta jare oitɨ taɨrusu vae reta re, jare opa omano reta; jare cheño etei aasayepe ayu vaerä chemiari ndeve.

JOB 1:19 ပူးပေါင်းရင်းမြစ်များ

GÉNESIS 42:36

Jayave tu Jacob jei chupe reta: —Opa pemokañɨtei cheraɨ reta peï chegüi; José mbaetɨve ma oiko yande ndive, Simeón jaeramiño vi, ¡jare peraja yeta ma Benjamín chegüi! ¡Opaete kuaekuae ikavimbae reta chepɨatɨtɨrä ko!

2 SAMUEL 18:33

Jayave mburuvicha guasu ipɨa kërai jare ojo o oï jókuae öke iárambo vae pe oyaeo. Jare oguata jare oyaeo reve jei: “¡Cheraɨ Absalón! ¡Cheraɨ Absalón! ¡Mbae mona che amano nderekovia pe! ¡Cheraɨ Absalón, cheraɨ!”

1 REYES 20:30

Ïru sundaro reta otekuarai tëta Afec kotɨ, ërei tëta guasu ikësea osururu jókuae veintisiete mil sundaro otekuarai tëi vae re. Ben-adad otekuarai vi jare ojo jókuae tëta guasu pe oñemi o ñavo rupi.

JOB 1:18

Jare kuae imiari oï ramboeve ou oväe ïru, jare jei: —Nderaɨ reta jare nderayɨ reta okaru jare jou vino ñogüɨnoi, tɨkeɨ tenondegua jëta pe;

JOB 1:20

Jayave Job opüa jare omondoro jemimonde jare opaetei oñeapiasɨ ipɨatɨtɨ güi, jare oyetavatɨka itindɨasɨ ɨvɨ re jare omboete Tumpa,

San Mateo 7:27

Jayave tuicha okɨ, jare täta vi ɨvɨtu, jare ɨ jeta ou oyererokua jókuae o re, jare opa oitɨ; opaetei oyemboai.”

Hechos 28:4

Jare joko pegua reta oecha yave mboi osagüɨu oï Pablo ipo re, jei reta oyoupe: “Kuae kuimbae oporoyuka vae yepe. Oasa yepe tëi ma ɨguasu güi, ërei Tumpa mbaetɨ omaeño oikoño vaerä.”

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

JUECES 16:30

Jayave Sansón jei: “¡Filisteo reta tomano che ndive!” Jayave omoaña opaete ipɨ̈rata ndive jare tupao osururu filisteo reta juvicha reta re jare opaete joko pe ñogüɨnoi vae reta re. Sansón omano yave jeta yae oporoyuka tenonde yave oporoyuka vae güi.