JOB 1:18 - Biblia Guarani Tumpa Iñee

¹⁸ Jare kuae imiari oï ramboeve ou oväe ïru, jare jei: —Nderaɨ reta jare nderayɨ reta okaru jare jou vino ñogüɨnoi, tɨkeɨ tenondegua jëta pe;

JOB 1:18 ပူးပေါင်းရင်းမြစ်များ

2 SAMUEL 13:28

Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

JOB 1:13

Jare metei ara Job taɨ reta jare tayɨ reta okaru jare jou reta vino ñogüɨnoi tɨkeɨ tenondegua jo pe yave,

JOB 1:17

Kuae imiari vɨteri oï ramboeve, ou ïru oväe jare jei: —Caldeaɨgua reta oyeapo mboapɨ yemboyao oporepeña oreré, jare opa oipɨɨ güɨraja camello reta, opa oyuka tembiokuai reta kɨsepuku pe; jare cheño etei atekuarai ayu vaerä chemiari ndeve.

JOB 1:19

jare ou ɨvɨtuai täta yae vae ñuu kotɨ güi, jare omokana irundɨ reve okɨta reta jare oitɨ taɨrusu vae reta re, jare opa omano reta; jare cheño etei aasayepe ayu vaerä chemiari ndeve.

JOB 1:4

Jare taɨ reta oyomboatɨ avei jëta ñavo pe oyapo arete, ara oiparavo oyoupe vae ñavo pe; jare omondo reta oenɨiuka mboapɨ reve jeindɨ reta, okaru jare jou vaerä vino jae reta ndive.

JOB 16:14

Omboyoaɨkue ɨkue chembopere, ou cheve ñeraro regua ou rami.

JOB 23:2

Añave chemiarita vi jasɨ katu reve, echa jeiete yae chepere reta cheräse güi.

JOB 27:14

Taɨ reta jeta oñemuña yave, omano retata ñeraro pe, imichia raɨ reta mbaetɨ jɨ̈vɨata tembíu re.

JOB 8:4

Nderaɨ reta iyoa ko Tumpa kotɨ yave, jae opa oyuka iyoa re.

SALMOS 34:19

Jupi vae, jeta yae ko iyemoambeko reta, ërei ngatu opaete kuae reta güi yandeYa oepɨ.

ECLESIASTÉS 9:2

Opaete vae oyovakeño ko maratuta oasa: Jupi vae jare jupimbae vae, jeko kavi vae jare jeko kavimbae, ikɨambae vae jare ikɨa Tumpa jóvai vae, mɨmba oyeyukagüe omee vae jare mbaetɨ omee vae; jökoraiño vi iyoambae jare iyoa vae, Tumpa jee re jei vae jare oipoɨu Tumpa jee re jei vae.

ISAÍAS 28:19

Ou ñavo, otupeita peré, pɨareve ñavo outa, ara pe jare pɨ̈tu yave. Peendu ou yave, jae ma pemboɨpɨta perɨrɨi.

JEREMÍAS 51:31

Oyoaɨkue yoaɨkue oväe tupapire jare ñee jerajaa reta, omombeu vaerä mburuvicha guasu Babilonia pegua pe, jëta guasu opaetei ma oñepɨ̈ro vae.

LAMENTACIONES 1:12

Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!