JOB 1:11 - Biblia Guarani Tumpa Iñee

¹¹ Ërei yaecha añave epoko opaete mbaembae reta güɨnoi vae re, jare reechata mbaetɨta ra ndeangao nderova pe etei vae.

JOB 1:11 ပူးပေါင်းရင်းမြစ်များ

GÉNESIS 26:11

Jayave Abimelec oyókuai opaete vae: —Kia nunga vae oyapo yave ikavimbae kuae kuimbae pe, ani jembireko re opoko yave, tomano jókuae nunga.

JOB 1:12

YandeYa jei Satanás pe: —Mase, ko oï ndepo pe opaete mbaembae reta güɨnoi vae; ërei chupe etei agüɨye mbae eyapo. Jare Satanás oë ojo yandeYa jóvai güi.

JOB 1:21

jei: —Chepogüɨrai ko aa chesɨ güi jare chepogüɨrai tamano. YandeYa ko omee, jare yandeYa ko oekɨ. ¡Toyemboete yandeYa!

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

JOB 19:21

Pe, chevɨa-ïru reta, ¡cheparareko! ¡Cheparareko! Echa Tumpa oñono ipo cheré.

JOB 2:3

Jare yandeYa jei Satanás pe: —¿Remae pa cherembiokuai Job re? Kërai mbaetɨ yé ïru kuimbae kuae ɨvɨ pe jae rami vae, jupi jare jeko sɨmbi vae, oipoɨu chegüi vae jare oyeandu ikavimbae güi vae, yepe nde chemoñera tëi ayapo vaerä ikavimbae vae chupe jekombae reve, ërei jae jekuaeño ipɨ̈rata jeko kavi pe.

JOB 2:5

Ërei yaecha añave epoko ikägüe re jare isoo re, jare reechata mbaetɨta ra ndeangao nderova pe etei vae.

JOB 2:6

Jare yandeYa jei Satanás pe: —Mase, ko jae oï ndepo pe, ërei chupe etei agüɨye mbae eyapo.

JOB 2:7

Jayave Satanás oë yandeYa jóvai güi, jare omombaerasɨ Job, kuru yavaete yae vae pe; ipɨ güive ojoi iyapɨte pe oväe.

JOB 2:9

Jayave jembireko jei chupe: —¿Jekuaeñota pa reñovatu ndereko kavi? ¡Neñeeasɨ Tumpa kotɨ, jare emano!

JOB 4:5

ërei ngatu añave ou yave ikavimbae ndeve reyemboakɨ; jare ou yave oväe ndeve, ndepɨatɨtɨ.

SALMOS 105:15

jei körai: “Agüɨye pepoko cherembiparavo reta re, agüɨye mbae peyapo cheñeemombeúa reta pe.”

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

ISAÍAS 65:3

Tëta chemboarasɨ avei ara ñavo vae; kó raɨ rupi omee reta mɨmba oyeyukagüe tumpa-raanga pe, ladrillo re oapɨ reta ikäti kavi vae incienso;

ISAÍAS 8:21

Jeta vae reta oguatata oipota rupi, oiporara reve jare yɨmbɨaɨ reve; jare yɨmbɨaɨ güi pochɨ retata, jare oyangao retata juvicha guasu jare iTumpa, omae reve ara kotɨ,

ZACARÍAS 2:8

Echa yandeYa Imbaepuere yae ete vae chembou tëtaguasu reta pepogüɨrai pereeya vae pe kuae ñee ndive. “Echa opoko pere yave kia nunga vae, cheresäɨ kunumi re opoko rami ko.

Apocalipsis 12:10

Jayave aendu ñee tätagüe ara pe, jei: “Ou ma oväe yemboasa, mbaepuere jare ñaneTumpa iporookuaía jare jemimbou Cristo imbaepuere. Echa oyemombouka ma yanderɨvɨ reta omboekose Tumpa jóvai ara rupi jare pɨ̈tu rupi vae.

Apocalipsis 16:11

Jare jei reta ñee ikavimbae vae Tumpa ara pe oï vae kotɨ, oiporara yae güi jare ipere jemɨi jasɨ yae güi, jare mbaetɨ oeya reta jembiapo ikavimbae vae.

Apocalipsis 16:21

Jare ara güi oa opaete vae reta re metei amandau guasu reta, treinta kilo oasa ipoɨ vae. Jare ɨvɨ pegua reta jei ñee ikavimbae vae Tumpa kotɨ, jókuae susere amandau guasu rupi vae re, echa jókuae susere oasa ete ikaviä.

Apocalipsis 16:9

Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.