JEREMÍAS 9:7 - Biblia Guarani Tumpa Iñee

⁷ Jáeramo che, peYa Imbaepuere yae ete vae, jae: Mbaetɨ ye mbae ayapo vaerä tëta chembae vae ndive, jaeño tata pe añonota ambokavi vaerä.

JEREMÍAS 9:7 ပူးပေါင်းရင်းမြစ်များ

2 SAMUEL 13:26

Jayave Absalón jei: —Mbaetɨta jökorai yave, emaeño tojo orerupíe cherɨkeɨ Amnón. Jayave mburuvicha guasu jei: —¿Maera pa reipota ojo nderupíe nderɨkeɨ Amnón?

2 CRÓNICAS 36:15

YandeYa, iñemuñagüe reta iTumpa ombou avei oikuaauka chupe reta mbae re iñeemombeúa reta rupi, echa güɨnoi mboroparareko tëta imbae vae reta re jare jae oikoa re.

SALMOS 120:4

¡Jëia yae vae juvɨ jakuaroviasɨ vae ko oäro! Jare, ¡Urundeɨ jätapɨi ikavi yae vae!

SALMOS 55:22

Eeya ndeyemoambeko yandeYa pe, jae neñono kavita; jae ngaraa omaeño ogüɨapi kuimbae jupi vae.

SALMOS 62:5

Tumpa reño aiko pɨagüive, chugüiño ou cheve yereroasayepe.

ISAÍAS 1:25

Amopüa yeta chepo ndekotɨ, opata aekɨ ndekɨa; rotɨota opaete ndekɨa güi.

ISAÍAS 48:10

Rotɨo, ërei mbaetɨ rotɨo korepoti oyetɨo rami, roparavo ko mbɨatɨtɨ rupi horno jaku yae vae rupi rami.

ISAÍAS 59:3

Echa pe reta peporoyuka vae ko, jare pepo reta tugüɨ yepeai, peapu jare pere ñee ikavimbae.

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

JEREMÍAS 5:1

YandeYa jei: “Peguata Jerusalén pegua kaye reta rupi, pemae kavi, peeka joka guasu rupi, yaecha ra peväe kia jupi vae oyapo vae, jare añetegüe rupi oiko vae. Peväe yave cheɨ̈rota Jerusalén pe.

JEREMÍAS 6:27

YandeYa jei cheve: “Roñono remae vaerä reiko chembae vae reta re. Emae kavi jese reta, reikuaa kavi vaerä jeko reta.”

OSEAS 4:1

Israel iñemuña reta, peyeapɨsaka yandeYa iñee re, echa jae oyoaka kuae ɨvɨ pe yogüɨreko vae ndive, echa kuae ɨvɨ pe mbaetɨ ma añete vae, oyoparareko vae, ani Tumpa oikuaa vae.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

MALAQUÍAS 3:3

Jare oguapɨta ombokavi jare oitɨo korepoti, jökoraita oitɨo Leví iñemuña reta; ombokavita oro jare korepoti rami; jare güeru retata mbota yandeYa pe jupi rupi.

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.

1 Pedro 4:12

Cherɨvɨ aaɨu vae reta, agüɨye pepɨakañɨ peiporara yae peï vae re, echa jökorai ñotai ko yandeve.