JEREMÍAS 9:26 - Biblia Guarani Tumpa Iñee

²⁶ Egipto pe, Judá, Edom, Amón jare Moab, jare opaete ñuu rupi yogüɨreko vae, iñäka-ɨke oñapi vae reta pe. Echa opaete kuae tëtaguasu pegua reta itumpa-raanga pota vae ko, jökoraiño vi Israel pegua reta ipɨa pe.”

JEREMÍAS 9:26 ပူးပေါင်းရင်းမြစ်များ

JEREMÍAS 10:1

Israel iñemuña reta, peyeapɨsaka kuae ñee yandeYa jei pekotɨ vae re.

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

JEREMÍAS 40:11

Jökorai vi opaete Judáɨgua reta ñogüɨnoi Moab pe vae, jare Amón iñemuña reta ipɨte pe vae, jare Edom pe, jare ïru ɨvɨ pe ñogüɨnoi vae reta oikuaa mburuvicha guasu Babilonia pegua omaeño amogüe Judáɨgua opɨta iɨvɨ pe, jare oñono oeya Gedalías tëta ruvicharä chupe reta vae.

JEREMÍAS 49:32

¡Pepɨ̈ro chugüi icamello reta jare opaetei jɨmba reta! Opata amoai moai oipota rupi, jókuae kuimbae reta iñäka-ɨke oñapi vae; oipota rupi güi aruta chupe omokañɨtei vaerä. Che peYa ko jae kuae.

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

EZEQUIEL 31:18

Metei ave ɨvɨra reta Edén pegua mbaetɨ ipuere oyemboyovake jae ndive, ipöra vae pe jare ɨvate vae pe; ërei ngatu ɨvɨra reta Edén pegua ndive oyeitɨukata ɨvɨgüɨ pe, Tumpa re güɨroviambae reta jare ñeraro pe omanogüe vae reta pɨri. ‘Jókuae ɨvɨra jae ko Faraón jare opaete jëtaɨgua reta. Che peYa Tumpa jae kuae.’ ”

EZEQUIEL 32:19

¿Jae pa nde ipöra yae ïru reta güi vae? Egüeyɨ jare eyepɨso Tumpa re güɨroviambae reta ndive tɨvɨa pe.

EZEQUIEL 44:7

Pe reta pemongɨa chetupao, ketɨgua reta peru ipɨa oyembocircuncidambae jare isoo oyembocircuncidambae oike vaerä pɨpe vae rupi. Mbɨyape, mbaekɨra jare tugüɨ pemee vae rupi pemongɨa, pemboeteä cheporogüɨrökuavee, opaete ikavimbae yae peyapo vae rupi.

EZEQUIEL 44:9

Körai jei yandeYa Tumpa: Metei ave ketɨgua ipɨa oyembocircuncidambae jare isoo oyembocircuncidambae, mbaetɨta oike chetupao pe, opaete ketɨgua reta yogüɨreko Israel iñemuña reta ipɨte pe vae.

LEVÍTICO 26:41

che ayovaichota vi pe ndive, jare pogüɨrajata perovaicho reta iɨvɨ pe; jare joko pe peñemomichi yave, jare peikuaa reve peiporara peyoa re yave,

Hechos 7:51

Pe reta ko pepɨa täta vae, pepɨa jare peapɨsa oyembocircuncidambae. Peyovaicho avei Espíritu Santo kotɨ. Peñemuñagüe reta rami etei vi pe reta.

DEUTERONOMIO 30:6

Jare yandeYa Tumpa ombocircuncidata pepɨa, jare peñemuña reta ipɨa, peaɨu vaerä yandeYa Tumpa opaete pepɨa ndive jare opaete perekove ndive, jekuaeño peikove vaerä.

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?