JEREMÍAS 9:23 - Biblia Guarani Tumpa Iñee

²³ YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

JEREMÍAS 9:23 ပူးပေါင်းရင်းမြစ်များ

JOB 32:13

Agüɨye vaerä peyererovia katu arakuaa pe, Tumpa ko omboyevɨta chupe mbaetɨ ko kuimbae.

JOB 41:15

Ikupe re oñesɨro ipireäta iyeopiaka, oyopɨpɨ jare täta ita rami.

SALMOS 33:5

Jae oaɨu jupi rupi kavi jare isɨmbi rupi oyeapo vae, iporoparareko tɨnɨe opaete ɨvɨ.

SALMOS 34:3

Embotuicha yandeYa che ndive, yambotuicha päve jee.

SALMOS 44:9

Ërei ngatu oremombo jare oremomaraiuka. Mbaetɨ ma reo oresundaro reta ndive.

SALMOS 62:10

Agüɨye eyeko ndepɨarai re, jare repɨ̈rogüe rupi remboatɨ vae re; reikokatu yae ma yave, agüɨye ndepɨa jeseiño.

PROVERBIOS 11:4

Tumpa iporojäa iara pe, mbaeyekou reta ngaraa etei oporoepɨ; ërei mbae jupi vae oporoepɨta ko mano güi.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

PROVERBIOS 3:5

Eyeko yandeYa re opaete ndepɨa ndive; agüɨ ye eyeko ndearakuaa katu reño.

ECLESIASTÉS 2:19

Jare mbaetɨ yaikuaa, yarakuaa ra ani yarakuaambae ra oyemboiyata cheparavɨkɨ chearakuaa katu reve ayapo kuae ɨvɨ pe vae re, ayemoambeko jese vae re. Kuae mbaeä etei vi ko.

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

ISAÍAS 10:8

Echa jae jei: ‘Opaete mburuvicha guasu, chepo pe ko ñogüɨnoi.

ISAÍAS 20:5

Jare opaete vae okɨɨyeta jare imarata, echa Etiopía re oyerovia reta tëi, jare Egipto ko jae reta iyemboetea tëi.

ISAÍAS 47:10

Ndepɨa güive reyapo reiko ikavimbae, reyemongeta mbaetɨ ko kia ndereecha vae. Ndearakuaa katu yae vae ndembotavɨ, reyemongeta ndepɨa pe, mbaetɨ yé kia ndegüi vae.

ISAÍAS 5:21

¡Peparavete!, pe reta peyererovia pearakuaa katu ko vae, peyeupe oime penoi arakuaa katu.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

JEREMÍAS 48:14

Moab agüɨye tei: ‘Orerëia yae ko, ore ko ñeraro regua imbaepuere yae vae.’

JEREMÍAS 48:7

Moab, reyerovia yae yepi mbaembae renoi vae re, ërei nde vi reñepɨ̈roukata. Netumpa-raanga Quemos oyererajata ïru ɨvɨ pe, isacerdote reta jare mburuvicha reta ndive.

JEREMÍAS 49:4

¿Maera pa reyembotuicha ndeɨvɨpe kavi re? Ndeɨvɨpe kavi opa ma oyemboai, tëta iñeereendumbae, rerovia katu mbaembae remboatɨgüe re, rere: ‘¿Kia pa oporepeñata cheré?’

EZEQUIEL 29:9

Ɨvɨ Egipto opɨtata ipombae, jare chekuaa retata che ko jae Tumpa vae. Echa rere: Ɨ̈aka Nilo chembae ko, che ko ayapo cheyeupe.

EZEQUIEL 7:19

Omombo retata ikorepoti kaye rupi, jare ioro omombota ɨtɨ rami. Ërei ioro ani ikorepoti ave ngaraa güɨroasayepe chearasɨ güi. Ngaraa osirive chupe reta omoangapɨɨ vaerä ani omoɨ̈vɨata vaerä, echa jókuae korepoti jare oro jeko pegua ko oa reta mbaeyoa pe.

DANIEL 3:15

Añave, peendu oñemoñee mimbɨ vecha kuimbae-räti, jare angúa ipu, arpa, ngitara, zampoña, jare opaete temimbɨ tairari pegua yave, ¿peyetavatɨkata pa pemboete mbae iä amopüaukagüe? Echa mbaetɨ yave pemboete, jupiveiño peyemomboukata metei horno jendɨvuku oï vae japɨpe; ¿jare kia nunga tumpa pa ipuereta pereepɨ chepo güi?

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

San Marcos 10:24

Jemimboe reta ipɨakañɨ Jesús jei vae re. Ërei Jesús jei ye: —Cheraɨ reta, yavai yae ko mbaeyekou re oyeko vae reta oike vaerä Tumpa iporookuaía pe.

Romanos 1:22

Iyarakuaa katu yae reta oyeapo, ërei iyarakuaambae vae reta ko.

1 Corintios 1:31

Jáeramo, yayapo oyekuatía oï rami. Echa jei: “Kia ikɨ̈reɨ oyemboete vae, toyemboete yandeYa re.”

DEUTERONOMIO 8:17

Agüɨye pere pepɨa pe: ‘Opaete kuae mbaeyekou oreparavɨkɨ rupi ko rogüɨnoi.’

Filipenses 3:10

Aipota ko aikuaa kavi Cristo. Aipota anoi jókuae mbaepuere Cristo oikove ye vae pegua. Aiporara yave, aipota aikuaa aiporara ko Cristo jeko pegua, chekɨ̈reɨ amano Cristo omano rami.

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

1 SAMUEL 17:42

Jare oecha David yave, güɨroviaä etei omae jese; echa itaɨrusuasɨ yae, ipireyu jare kunumi kavi.