JEREMÍAS 9:22 - Biblia Guarani Tumpa Iñee

²² Kuimbae reta jëogüegüe oñemoai tepoti rami kaa rupi, trigo oyepoo yave osururu ɨvɨ rupi vae mbaetɨ ye kia omonoo vae rami.” Jei yandeYa.

JEREMÍAS 9:22 ပူးပေါင်းရင်းမြစ်များ

2 REYES 20:13

Ezequías oyeapɨsaka jese reta oechauka opaete jo pegua mbaembae jepɨ vae oñeñovatu vae: Korepoti, oro, mbae ipiche kavi vae, ikäti kavi yae vae, jare tembiporu reta ñeraro pegua, opaete imbaembae jepɨ vae oñeñovatúa pegua; mbaetɨ metei ave Ezequías oechaukambae vae jo pegua jare opaete güɨnoigüe.

2 REYES 20:15

Isaías jekuae oparandu ye chupe: —¿Mbae pa oecha reta ndero pe? Ezequías jei: —Oecha reta opaete oï chero pe vae, mbaetɨ etei mbae, che aechaukambae chupe reta vae.

2 REYES 9:37

jare Jezabel jetegüe opɨtata mbaerepoti rami ɨvɨ iárambo rupi, ɨvɨ Jezreel pe, mbaetɨ eteita kia oikuaa Jezabel jetegüe ko vae.”

JOB 5:13

Jae oipɨɨ ipoki vae reta jeko pe aeño; jare güɨrokomegua ipɨapochɨ vae reta iyemongeta.

SALMOS 49:7

metei ave chugüi reta, ngaraa oepɨ jëtara vae, Tumpa pe ave ngaraa oyemboepɨ oyereroasayepe vaerä.

SALMOS 83:10

Endor pe opa okañɨtei reta, jare jetegüe opa oyea ɨvɨ ndive tepoti rami.

PROVERBIOS 18:11

Oikokatu vae imbaeyekou, tëta guasu jëguambae rami ko chupe; metei tëta guasu ikësea ɨvate yae vae rami ko chupe.

PROVERBIOS 23:4

Agüɨye eyemoambeko reyemboikokatu vaerä; ndearakuaa ndeyeupe, agüɨye eipota.

ISAÍAS 5:25

Jáeramo, yandeYa iyarasɨ tëta imbae vae kotɨ, jare omopüa ipo ikotɨ reta oinupa vaerä. Ɨvɨtɨ reta okana, jare tëogüe reta oyoa kaye rupi. Ërei yandeYa iyarasɨ mbaetɨ iröɨsa; oimeño ipo omopüa güɨnoi oporonupa vaerä.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 25:33

YandeYa oyukauka jókuae ara vae, oñemoaita ɨvɨ jembeɨ güive ïru jembeɨ pe. Ngaraa etei kia oyaeo jese reta vae, mbaetɨta kia güɨraja jetegüe oñotɨ vae; oñemoaita opɨta ɨvɨ rupi tepoti rami.

JEREMÍAS 6:21

Jáeramo yandeYa jei: “Ko añono kuae tëta chembae oyepɨaka jare ogüɨapi vaerä. Tu reta jare taɨ reta; jëta-ɨpɨ rupigua reta jare iñeïru reta omanota vi.”

JEREMÍAS 7:33

Kuae tëta pegua omanogüe reta jëogüegüe chucha reta jembiurä ko, jare mɨmba pochɨ vae ñana rupigua jembiurä; mbaetɨta kia omondo chugüi.

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

HABACUC 1:11

Ɨvɨtuai rami oasa reta; oyapo reta ikavimbae, imbaepure güɨnoi reta itumpa reta güi.”

SOFONÍAS 1:17

YandeYa jei: “Aiporaraukata kuimbae reta pe, jare oguata retata jesambae rami, echa iyoa reta chekotɨ. Jugüɨ oyepɨyereta ɨvɨkúi rami, jare isoo oyemboatɨta tepoti rami.”

DEUTERONOMIO 8:17

Agüɨye pere pepɨa pe: ‘Opaete kuae mbaeyekou oreparavɨkɨ rupi ko rogüɨnoi.’