JEREMÍAS 9:15 - Biblia Guarani Tumpa Iñee

¹⁵ Jáeramo, che peYa Imbaepuere yae ete vae, Israel iTumpa, jae: Ameeta jou reta mbae iro yae vae jare ameeta oɨu reta ɨ oyemombayachigüe re.

JEREMÍAS 9:15 ပူးပေါင်းရင်းမြစ်များ

SALMOS 60:3

Reechauka ndembae vae reta pe mbae yavai yae vae, remee roɨu vino oporombosavaɨpo vae re rami.

SALMOS 69:21

Cherembiurä oñono reta mbae iroasɨ vae, jare cheɨuve yave omee reta jau vinagre.

SALMOS 75:8

Echa yandeYa ipo pe güɨnoi kopa iyarasɨ pegua, jare vino jayasɨ rai yae oï. Jae opɨyere yave, opaete iyoa vae reta oɨuta jese, opaetei regua omotini.

SALMOS 80:5

Oremongaru mbatee ma tesaɨ pe; oremboɨu mbatee ma tesaɨ re.

ISAÍAS 2:17

Ipɨayemboete vae reta iñäkatindɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:22

Agüɨye peyeko kuimbae re, echa jekove ipɨ̈túe reño ko oï. Jae mbaeä etei ko.

JEREMÍAS 23:15

Jáeramo che, peYa Imbaepuere yae ete vae, jae körai kuae ñeemombeúa reta kotɨ: Ameeta jou reta mbae iro yae vae, jare ameeta oɨu reta ɨ oyemombayachigüe re, echa ñeemombeúa Jerusalén pegua reta güi, ikavimbae oñemoai opaete kuae tëtaguasu rupi.”

JEREMÍAS 24:10

Amondota chupe reta ñeraro, karuai jare mbaerasɨ ovakatu vae, opaetei okañɨ reta regua, ɨvɨ che amee chupe reta jare iñemuñagüe reta pe vae güi.”

JEREMÍAS 25:15

YandeYa, Israel iTumpa jei cheve: “Eipɨɨ kuae kopa tɨnɨe chearasɨ pe vae, vino pe tɨnɨe rami vae, jare emee toɨu jese opaete tëtaguasu reta romondotaa rupi.

JEREMÍAS 44:27

Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.

JEREMÍAS 49:37

Elam amborɨrɨiukata okɨɨye güi jovaicho reta jóvai, aruta chupe susere reta, aitɨta chearasɨ jese reta, jare ambouta chupe ñeraro opaetei omokañɨtei regua. Che ndeYa ko jae kuae.

JEREMÍAS 8:14

Opaete vae reta jeita: “¿Maera pa yaguapɨño ñaï kuae pe? ¡Yaja opaete vae tëta guasu oñekëse kavía pe, joko pe opa ñamano! Echa yandeYa Tumpa yandeyukata; omee yau ɨ oyemombayachigüe. Echa yandeyoa ikotɨ.

LAMENTACIONES 3:15

Tumpa chembopɨatɨtɨ yae; omee aɨu mbae iro yae vae re.

LAMENTACIONES 3:19

CheYa nemaendúa chepɨatɨtɨ vae re jare chepɨtu vae re, jare aiporara yae vae re;

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

EZEQUIEL 5:2

Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

DEUTERONOMIO 28:36

YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare ita pegua pe.

DEUTERONOMIO 29:18

Agüɨye toime pepɨte pe kuimbae ani kuña yepe, ani metei tëtara, ani metei ñemuña ipɨa opia añave yandeYa güi vae, omboete vaerä kuae tëtaguasu reta itumpa-raanga reta. Agüɨye toime pepɨte pe kia nunga vae metei temitɨ iro ani imbayachi vae rami vae.

Apocalipsis 8:11

Jare jókuae yasɨtata ko jee Iro yae vae, jare jókuae mbɨte seri ɨ reta opa omboiro yae, jare jeta yae vae omano ɨ iro vae jou ramo.