JEREMÍAS 9:10 - Biblia Guarani Tumpa Iñee

¹⁰ Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

JEREMÍAS 9:10 ပူးပေါင်းရင်းမြစ်များ

ISAÍAS 41:15

Ko che roñono mbaembopiririka rami, mbaembopiririka ipɨau vae, jeta jäi vae; rembosururuta ɨvɨtɨ guasu opa emongúi, kapii rami eeya opaete ɨvɨtɨtï reta.

ISAÍAS 49:19

Ndeɨvɨ opa etei oyemboai oï, opa oñererokomegua oï jare ipoä opɨta; ërei añave, ndeɨvɨ ipɨmiita opɨta, jeta yae vae jeko pegua. Kuae ɨvɨ imboaia reta matɨ ma yogüɨrekota.

JEREMÍAS 12:10

Jeta tovaicho mburuvicha reta opa omboai cheuvarupa, opɨ̈ro reta ɨvɨ chembae re, opa omboai reta oeya, jókuae ɨvɨ aaɨu yae vae.

JEREMÍAS 12:11

Oeya reta ipombae, opa omboai reta, jare che aecha ɨvɨ ipɨatɨtɨ yae. Opaete ɨvɨ ipombae oï, jare mbaetɨ etei kia oyemoambeko jese.

JEREMÍAS 12:4

¿Kërai yave regua pa ɨvɨ otinita oiko jare ñana kaa rupigua ipiruta oiko? Pɨpegua reta jeko kavimbae jeko pegua, mɨmba reta jare güɨra reta opa omano; echa jei reta: “Tumpa mbaetɨ ko oecha yayapogüe.”

JEREMÍAS 14:6

Mburika ñana rupigua reta oyemboɨ ɨvatea rupi ñuu pe, oëtu ɨvɨtu, aguarayaɨmba rami; jäve ma omae, echa mbaetɨ ñana jou vaerä.”

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 2:6

Mbaetɨ oparandu reta: ‘¿Ketɨ pa oime oï yandeYa, jókuae ñanerenoe ɨvɨ Egipto güi vae, yandereroata ñuu ipombaea rupi vae, ɨvɨ otini vae rupi, ñamano rape katu jupi vae rupi, mbaetɨ ɨ vae rupi, ɨvɨ mbaetɨ kia ave oiko pɨpe vae rupi ani oguata yepe jupi vae rupi?’

JEREMÍAS 23:10

Echa tëtaguasu tɨnɨe iyaguasa pota vae reta, kuimbae reta osɨi oyapo ikavimbae, imbaepuere oiporu reta jupimbae oyapo reta vaerä. Jáeramo yandeYa oyepopeyu ɨvɨ re, jare ɨvɨ otini, jare kapii ñuu rupigua opa ipiru.

JEREMÍAS 50:3

Echa ɨvɨtuguasu kotɨ güi metei tëtaguasu oporepeña jese, jae oeyata jëtaguasu ipombae. Mbaetɨ eteita, kuimbae ani mɨmba yepe oiko pɨpe, echa opaeteita otekuarai.”

JEREMÍAS 7:29

¡Jerusalén, eyasɨa ndea, javoi emombo! ¡Etairari tairari mbɨatɨtɨ pegua pe ɨvɨtɨ jaambae re! Echa yandeYa iyarasɨ yae oï tëta jae imbae vae kotɨ, güɨröɨro jare oeya.

JEREMÍAS 8:18

Chepɨatɨtɨ yae jeko pegua, chepɨa omano.

LAMENTACIONES 1:16

Kuaekuae reta jeko pegua ayaeo. Jeta yae cheresaɨ oyepɨyere, echa oyembosɨrɨ chegüi chembopɨakatu vae jare chemombutuu vae. Opa cheipo reta oyemboai, echa tovaicho reta jëia yae.

LAMENTACIONES 2:11

Cheresaɨ veä ma ayaeo mbatee güi, cheɨvɨte pe etei ayandu, jare chepɨa jëogüe yae, aecha ramboeve oyemboai cherëtaɨgua reta jëta guasu; michia okambu vae reta ave omano tëta guasu joka guasu rupi.

LAMENTACIONES 5:18

Ɨvɨtɨ Sión ipoä oï; aguara retaño oguata jokoropi.

EZEQUIEL 14:15

Ambou yave mbaeporou reta metei ɨvɨ pe, opa vaerä jou jókuae ɨvɨ ipo reta jare oeya ipombae, ngaraa etei kia ikɨ̈reɨ oasa jokoropi, okɨɨye ramo mbaeporou reta güi,

EZEQUIEL 27:2

“Nde kuimbae, etairari kuae tairari mano pegua pe Tiro re;

EZEQUIEL 29:11

Mbaetɨta kia yepe ani mɨmba reta yepe oasa jokoropi. Cuarenta año rupi mbaetɨta kia oiko joko pe.

EZEQUIEL 33:28

Jókuae ɨvɨ opata amboai jare opɨtata ipombae, ambopaata imbaepuere re oyembotuicha yae vae. Jare ɨvɨtɨ reta Israel pegua opɨtata ipombae; mbaetɨ eteita kia ave oasa jokoropi.

EZEQUIEL 6:6

Oipota rupi peikoa rupi tëta guasu reta oyemboaita, jare pembaemboetea ɨvatea reta rupi oï vae oyemboaita. Mɨmba peyuka peapɨ pemee jese vae opaeteita oyemboai, petumpa-raanga reta, kuaraɨ iä penoi vae opata oyemboai; opaete mbae peyapogüe oyemboaita.

OSEAS 4:3

Jáeramo ɨvɨ ipɨatɨtɨ; mbaetɨta mɨ̈rata güɨnoi joko pe yogüɨreko vae, mɨmba pochɨ vae ñana rupigua, güɨra reta, jare jevae reta ɨ rupigua ave omano ñogüɨnoi.

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

JOEL 1:19

¡Asapúkai ndekotɨ cheYa Tumpa; echa kuaraɨ opa omombiru kapii, jare vi opaetei ɨvɨra reta!

AMÓS 5:1

Israel iñemuña reta; peendu kuae ñee mbɨatɨtɨ pegua amondo pekotɨ vae.

AMÓS 5:16

Jáeramo, körai jei yandeYa Tumpa Imbaepuere yae ete vae: “Tëta ñavo oka guasu pe oimeta yaeo, jare oka ñavo rupi jäseta mbae jasɨ güi. Jare ko pe oparavɨkɨ vae reta peenɨita oyaeo, jare yaeo regua reta peenɨita oyaeo vaerä.

MIQUEAS 2:4

Jókuae ara rupi oyeapota ñeerä peregua, jare oyapo retata tairari mbɨatɨtɨ pegua, jei reta reve: ‘Opaetei yayemboaiuka; Tumpa oipoepɨ yandeɨvɨ, ¡kërai opɨ̈ro yandegüi yandeɨvɨ! Omee jare omboyao ïru vae reta pe.’ ”

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.