JEREMÍAS 8:16 - Biblia Guarani Tumpa Iñee

¹⁶ ¡Ou ma tovaicho! ¡Dan peve oyeendu ma ikavayu reta iñäpɨgua omoñee vae! Ikavayu reta iñee pe, omokana opaete ɨvɨ. Yogüeru omboai vaerä ɨvɨ jare opaete pɨpegua, tëta guasu reta jare opaete yogüɨreko pɨpe vae.”

JEREMÍAS 8:16 ပူးပေါင်းရင်းမြစ်များ

JOB 39:20

¿Remochäguarikota pa metei tuku rami, jókuae iñäpɨgua iñee yavaete vae?

SALMOS 24:1

YandeYa imbae ko ɨvɨ jare opaete mbaembae oï pɨpe vae, jare opaete yogüɨreko pɨpe vae.

JEREMÍAS 10:25

Eitɨ ndearasɨ tëtaguasu reta mbaetɨ ndekuaa vae re, tëta reta mbaetɨ ndemboete vae re, echa opa omokañɨtei reta Jacob iñemuña reta, opaetei omboai reta, tëtaguasu opa omboai oeya reta.

JEREMÍAS 3:24

Oretumpa-raanga pota vae, opa omokañɨteiuka oreñemuñagüe reta oväe orendei yave güive vae; jae ko: Vecha reta, guaka reta, taɨ reta jare tayɨ reta.

JEREMÍAS 30:16

Ërei opaete pemboai vae, oyemboaita, jare opaete perovaicho oyererajata tembipɨɨrä iɨvɨ güi; amboaiukata jókuae pemboai vae, opaete jókuae opɨ̈ro mbae pegüi vae, oñepɨ̈rota vi mbae chugüi reta.

JEREMÍAS 30:5

Jei körai: “¡Aendu täse kɨɨye pegua, mbaetɨ mbɨakatu pegua!

JEREMÍAS 4:24

Amae ɨvɨtɨ reta re, jare aecha okana ñogüɨnoi; opaete ɨvɨtɨ reta orɨrɨi.

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 47:3

Oendu yave kavayu reta ipɨ oyeendu, käretou reta ñeraro pegua opärara, jare iruera reta jɨapu, opaete kuimbae reta mbaetɨ oyangareko imichia reta re, echa opaetei ipɨa jëogüe reta.

JEREMÍAS 5:17

Neremitɨ jare nderembíu jou retata, nemichia reta ave jou retata ndegüi. Ndevecha jare ndeguaka reta, ndeuva jare ndeɨva reta. Jembiporu ñeraro pegua pe omboaita tëta guasu oñekëse kavi vae, reyerovia jese vae.”

JEREMÍAS 50:42

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re; oïndaivi oñoraro reta vaerä Babilonia pegua reta ndive.

JEREMÍAS 51:29

Ɨvɨ okana jare orɨrɨi, echa yandeYa ombopo oï iyemongeta oeya vaerä ipombae Babilonia, mbaetɨ yeta kia oiko pɨpe.

JEREMÍAS 6:23

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re, oïndaivi oñeraro reta vaerä, pe Sión pegua reta ndive.”

NAHUM 3:2

¡Chikote oyembovavagüe oyeendu ipu vae, ruera oyeendu oyere vae! ¡Kavayu oporopete vae, käretou reta opo opo etei oguata yave vae!

HABACUC 3:10

Ɨvɨtɨ reta okana ndereecha yave, ara güi oa ama tuichagüe, ɨguasu tɨpɨ vae jɨapu ɨaparúa reta opüa ramboeve.

1 Corintios 10:26

Echa kuae ɨvɨ jare opaete mbaembae oï pɨpe vae yandeYa imbae ko.

1 Corintios 10:28

Ërei kia jei yave peve: “Kuae mɨmba ko omee tumpa-raanga reta pe vae.” Agüɨye peu omombeu peve vae jeko pegua jare agüɨye vaerä pepɨa pe peyemboeko. Echa kuae ɨvɨ jare opaete mbaembae oï pɨpe vae yandeYa imbae ko.

JUECES 18:29

Jare ombojee Dan, iñemuñagüe jee pe, jae ko Israel taɨ; tenonde yave jee yepi kuae tëta guasu Lais.

JUECES 20:1

Jayave opaete Israel iñemuña reta ñogüɨnoe, Dan güive Beerseba jare Galaad kotɨ güi, oyomboatɨ reta metei rami Mizpa pe, yandeYa jóvai.

JUECES 5:22

¡Kavayu reta ipɨ oyeendu! ¡Jókuae jëia vae reta ikavayu isɨrɨkɨ osɨi vae reta!